കുട്ടിക്കാനം എലപ്പാറയിൽ കുടുംബം സഞ്ചരിച്ച കാർ നിയന്ത്രണം വിട്ട് തലകീഴായി മറിഞ്ഞു

ഇടുക്കി: ക്ഷേത്ര ദർശനം കഴിഞ്ഞു മടങ്ങിയ കുടുംബം സഞ്ചരിച്ച കാർ നിയന്ത്രണം വിട്ട് തലകീഴായി മറിഞ്ഞു. ഏലപ്പാറ ഒന്നാം മൈലിലാണ് അപകടമുണ്ടായത്. ഒരു കുടുംബത്തിലെ അഞ്ച് പേരാണ് കാറിലുണ്ടായിരുന്നത്.

ഇവർ നിസാര പരുക്കുകളോടെ രക്ഷപെട്ടു. തിങ്കളാഴ്ച്ച ഉച്ചകഴിഞ്ഞ് മൂന്നരയോടെയായിരുന്നുഅപകടം. വെണ്ണിലാംകണ്ടം സ്വദേശികളായ കുടുംബം

പാലായിൽ ക്ഷേത്ര ദർശനത്തിനായിപോയതായിരുന്നു. മടങ്ങി വരവെ വാഹനം ഓടിച്ചിരുന്നയാൾ ഉറങ്ങിപ്പോയതാണ് അപകടകാരണമെന്ന് കരുതുന്നു.

റോഡിൽ നിന്നും തെന്നി മാറി കാർ തലകീഴായി മറിയുകയായിരുന്നു.