ഡൽഹി : യമുനാനദിയിലെ ജലനിരപ്പ് ക്രമാതീതമായി ഉയര്‍ന്നു. ബുധനാഴ്ച വൈകീട്ട് ആറ് മണിയോടെ ജലനിരപ്പ് 207.81 മീറ്ററായി ഉയർന്നതായി നിരവധി മാധ്യമങ്ങൾ റിപ്പോർട്ട് ചെയ്യ്തു.
%20(7).jpeg)
നദിയിലെ ജലനിരപ്പ് 1978ൽ സ്ഥാപിച്ച 207.49 മീറ്റർ എന്ന സർവകാല റെക്കോർഡ് മറികടന്നതിനെ തുടർന്ന് കെജ്രിവാൾ അടിയന്തര യോഗം വിളിച്ചിരുന്നു.
%20(8).jpeg)
യമുന നദിയോട് ചേർന്ന് സ്ഥിതി ചെയ്യുന്ന ആറ് ജില്ലകളിൽ ദുരിതാശ്വാസ ക്യാമ്പുകൾ തുറക്കും. ആവശ്യമെങ്കിൽ സ്‌കൂളുകൾ അടച്ചുപൂട്ടാനും ദുരിതാശ്വാസ ക്യാമ്പുകളാക്കി മാറ്റാനും നഗരത്തിലെ എല്ലാ ജില്ലാ മജിസ്‌ട്രേറ്റുകളോടും മുഖ്യമന്ത്രി ഉത്തരവിട്ടു.
നദിയില്‍ നിന്നുള്ള വെള്ളം നഗരത്തിലേക്ക് ഒഴുകിയതോടെ വെള്ളപ്പൊക്ക സാധ്യതയുള്ള പ്രദേശങ്ങളില്‍ പോലീസ് നിരോധനാജ്ഞ പുറപ്പെടുവിച്ചു
നദിയില്‍ നിന്നുള്ള വെള്ളം നഗരത്തിലേക്ക് ഒഴുകിയതോടെ വെള്ളപ്പൊക്ക സാധ്യതയുള്ള പ്രദേശങ്ങളില്‍ പോലീസ് നിരോധനാജ്ഞ പുറപ്പെടുവിച്ചു. ഇത് പ്രകാരം ആളുകള്‍ കൂട്ടംകൂടുന്നത് കര്‍ശനമായി നിരോധിച്ചിട്ടുണ്ട്.
ജലനിരപ്പ് അപകടനില കടന്ന സാഹചര്യത്തില്‍ കേന്ദ്ര സര്‍ക്കാര്‍ ഇടപെടണമെന്നും അരവിന്ദ് കെജ്രിവാൾ ആവശ്യപ്പെട്ടിരുന്നു. ഹരിയാനയിലെ ഹത്നികുണ്ഡ് ബാരേജിൽ നിന്ന് ഉയർന്ന അളവിൽ വെള്ളം തുറന്നുവിടുന്നതാണ് യമുനയിലെ ജലനിരപ്പ് ഉയരാൻ കാരണമെന്നും അദ്ദേഹം ചൂണ്ടിക്കാട്ടി.
ദേശീയ ദുരന്ത നിവാരണ സേനയുടെ സഹായവും കെജ്രിവാള്‍ കത്തില്‍ ആവശ്യപ്പെട്ടിട്ടുണ്ട്. 1978-ലാണ് ഇതിന് മുൻപ് യമുനാനദിയിൽ ഏറ്റവും കൂടിയ ജലനിരപ്പ് രേഖപ്പെടുത്തിയത്. 207.49 മീറ്ററായിരുന്നു അത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.