കൊച്ചി: അപകടത്തില്‍ പരിക്കേറ്റയാളെ ആശുപത്രിയിലാക്കിയ ശേഷം പരിക്കേറ്റയാളുടെ ബൈക്കുമായി മുങ്ങിയ പ്രതിയെ പോലീസ് പിടികൂടി.
കഴിഞ്ഞ 24ന് പുലര്‍ച്ചെ 3.30നായിരുന്നു സംഭവം. ബൈക്കില്‍ എറണാകുളം ഭാഗത്തേക്ക് വരികയായിരുന്ന യുവാവ് തമ്മനത്ത് വച്ച്‌ അപകടത്തില്‍പ്പെട്ടു.
ബൈക്ക് കാലില്‍ വീണതുകൊണ്ട് എഴുന്നേല്‍ക്കാന്‍ വയ്യാത്ത അവസ്ഥയിലായിരുന്ന യുവാവിനെ അതുവഴി വന്ന പ്രതി എഴുന്നേല്‍പ്പിച്ച്‌ അതേ ബൈക്കില്‍ തന്നെ എറണാകുളം ജനറല്‍ ആശുപത്രിയിലെത്തിച്ചു. തുടര്‍ന്ന് ഡോക്ടറെ കാണുന്ന സമയത്ത് പ്രതി ബൈക്കുമായി മുങ്ങുകയായിരുന്നു.
സെന്‍ട്രല്‍ സ്റ്റേഷനില്‍ ലഭിച്ച പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതി കുടുങ്ങിയത്. സെന്‍ട്രല്‍ പോലീസ് സ്റ്റേഷന്‍ ഇന്‍സ്‌പെക്ടര്‍ അനീഷ് ജോയിയുടെ നേതൃത്തിലുളള പോലീസ് സംഘമാണ് പ്രതിയെ അറസ്റ്റു ചെയ്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.