ഡൽഹി ഓർഡിനൻസ്; ആംആദ്മി പാർട്ടിയെ പിന്തുണയ്‌ക്കാൻ കോൺ​ഗ്രസ്, പ്രതിപക്ഷ സഖ്യങ്ങളുടെ യോ​ഗം നാളെ

ന്യൂഡല്‍ഹി: ഡൽഹി ഓർഡിനൻസിൽ ആംആദ്മി പാർട്ടിയെ പിന്തുണയ്‌ക്കാൻ കോൺഗ്രസിൽ ധാരണ. 

കോൺ​ഗ്രസ് പാർലമെന്റ് നയരൂപീകരണ സമിതി യോ​ഗത്തിലാണ് തീരുമാനം. ഏക സിവിൽ കോഡിനെ പാർലമെന്റിൽ എതിർക്കാനും യോഗത്തിൽ കോൺഗ്രസ്‌ തീരുമാനിച്ചു. 

നാളെ ബംഗളുരുവിൽ പ്രതിപക്ഷ പാർട്ടികൾ യോഗം ചേരാനിരിക്കെയാണ് ഓർഡിനൻസ് വിഷയത്തിൽ ആംആദ്മിപാർട്ടിയെ പിന്തുണയ്‌ക്കാനുള്ള കോൺഗ്രസ് തീരുമാനം. 

ഡൽഹി ഓർഡിനൻസ് വിഷയത്തിൽ ആംആദ്മിക്കൊപ്പം നിന്നില്ലെങ്കിൽ പ്രതിപക്ഷ സഖ്യം വിടുമെന്ന് പാർട്ടി നേരത്തെ മുന്നറിയിപ്പ് നൽകിയിരുന്നു