ബംളൂരു ആസ്ഥാനമായുള്ള ജനപ്രിയ ഇലക്‌ട്രിക്ക് ഇരുചക്ര വാഹന ബ്രാൻഡായ ഏതര്‍ എനര്‍ജി അതിന്റെ അടുത്ത ഇലക്‌ട്രിക് സ്കൂട്ടര് ഓഗസ്റ്റ് 3 ന് പുറത്തിറക്കും.
ഏഥര്‍ 450S-ന്റെ മുൻകൂര്‍ ഓര്‍ഡര്‍ നിലവില്‍ തുറന്നിട്ടുണ്ട്. ഉപയോക്താക്കള്‍ക്ക് ഏതറിന്റെ ഔദ്യോഗിക വെബ്‌സൈറ്റില്‍ പോയി അത് ചെയ്യാം. 1.29 ലക്ഷം രൂപയാണ് ഇ-സ്കൂട്ടറിന്റെ പ്രാരംഭ വില. ഫുള്‍ ചാര്‍ജിന് 115 കിലോമീറ്ററാണ് 450S-ന് IDC ശ്രേണി. 90 കിലോമിീറ്റര്‍ ആണ് സ്കൂട്ടര് കൈവരിക്കാൻ കഴിയുന്ന ഉയര്‍ന്ന വേഗത. സെപ്റ്റംബര്‍ മുതല്‍ സ്കൂട്ടറിന്റെ വിതരണം ആരംഭിക്കും.
നിലവിലെ മോഡലിന്റെ അതേ ഷാര്‍പ്പായതും ഒതുക്കമുള്ളതും യുവത്വമുള്ളതുമായ ഡിസൈൻ ആയിരിക്കും ഇത്. ഫ്രണ്ട് ഫോര്‍ക്കുകള്‍, റിയര്‍ മോണോഷോക്ക്, ബെല്‍റ്റ് ഡ്രൈവുള്ള ഫ്രണ്ട് ആൻഡ് റിയര്‍ ഡിസ്‍ക് ബ്രേക്ക് എന്നിവയില്‍ പോലും മാറ്റമില്ലാതെ തുടരാം.
ഏഥര്‍ 450X-നെ അപേക്ഷിച്ച്‌ ഏഥര്‍ 450S-ന് നഷ്‌ടമായ ചില സവിശേഷതകള്‍ ഉണ്ട്. സ്കൂട്ടറില് അടിസ്ഥാന ടച്ച്‌സ്‌ക്രീൻ ഇൻസ്ട്രുമെന്റ് കണ്‍സോള്‍ ഉണ്ടായിരിക്കുമെന്നും ചെറിയ റിയര്‍വ്യൂ മിററുകള്‍ അവതരിപ്പിക്കുമെന്നും ടീസറുകള്‍ നിര്‍ദ്ദേശിക്കുന്നു. സ്കൂട്ടറില് വാഗ്ദാനം ചെയ്യുന്ന ബാറ്ററി താരതമ്യേന ചെറുതും 3kWh ബാറ്ററി പാക്കും ആയിരിക്കും.
ഫീച്ചറുകളുടെ കാര്യം വരുമ്ബോള്‍, സ്കൂട്ടര് സ്‌പീഡോ, റേഞ്ച്, റൈഡ് മോഡുകള്‍, ബ്ലൂടൂത്ത് കണക്റ്റിവിറ്റി, കൂടാതെ ഒരു പുതിയ സ്‌ക്രീൻ എന്നിവയും നല്‍കും. എന്നിരുന്നാലും, സ്‌ക്രീൻ ടിഎഫ്‍ടി അല്ലെങ്കില്‍ എല്‍സിഡി ആയിരിക്കുമോ എന്നത് ഇതുവരെ അറിവായിട്ടില്ല. നിറങ്ങളുടെ കാര്യത്തില്‍, ഇ-സ്കൂട്ടര് സാള്‍ട്ട് ഗ്രീൻ, കോസ്മിക് ബ്ലാക്ക്, സ്‌പേസ് ഗ്രേ, സ്റ്റില്‍ വൈറ്റ് എന്നിങ്ങനെ ആകര്‍ഷകമായ നാല് നിറങ്ങളില്‍ ലഭിക്കും.
ലോഞ്ച് ചെയ്‍തുകഴിഞ്ഞാല്‍, അതേ സെഗ്‌മെന്റിലെ ഒല S1 , ടിവിഎസ് ഐക്യൂബ് എസ്, ബജാജ് ചേതക്ക് തുടങ്ങിയ മറ്റ് ഇ-സ്‌കൂട്ടറുകള്‍ എന്നിവയ്‌ക്ക് ഏഥര്‍ 450S എതിരാളിയാകും . ഇത് ബ്രാൻഡിന്റെ ശ്രേണിയിലേക്കുള്ള മികച്ച ഒരു കൂട്ടിച്ചേര്‍ക്കലായിരിക്കും.
ഫെയിം 2 സബ്‌സിഡി അടുത്തിടെ വെട്ടിക്കുറച്ചതോടെ , 450X ഇ-സ്കൂട്ടര് ലൈനപ്പ് ഉള്‍പ്പെടെ ഇലക്‌ട്രിക്ക് ടൂവീലര്‍ സെഗ്മെന്‍റ് കൂടുതല്‍ ചെലവേറിയതാണ്. അതുകൊണ്ടുതന്നെ കൂടുതല്‍ താങ്ങാനാവുന്ന 450S അവതരിപ്പിക്കുന്നതിനുള്ള കമ്ബനിയുടെ നീക്കം ശ്രദ്ധേയവുമാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.