കോട്ടയം: പനി ബാധിച്ച് ചികിത്സയിലായിരുന്ന എട്ട് മാസം പ്രായമുള്ള കുഞ്ഞ് ഹൃദയാഘാതം വന്ന് മരിച്ച സംഭവത്തില് ആശുപത്രിക്കെതിരെ പരാതിയുമായി കുടുംബം.
മണര്കാട് പത്താഴക്കുഴി സ്വദേശിയായ പ്രവാസി എബിയുടെയും ജോന്സിയുടെയും മകന് ജോഷ് ആണ് മരിച്ചത്. ഡോസ് കൂടിയ മരുന്ന് കുത്തിവച്ചശേഷം കുഞ്ഞിനെ കൃത്യമായി നിരീക്ഷിക്കാഞ്ഞതാണ് ഹൃദയാഘാതത്തിന് കാരണമായതെന്ന് ഇവര് പറയുന്നു.
മെയ് 11നാണ് കുഞ്ഞിനെ ആശുപത്രിയില് പ്രവേശിപ്പിച്ചത്. പോസ്റ്റ് കോവിഡ് മിസ്കോ കാവസാക്കി രോഗമാകാം കുഞ്ഞിനെന്ന നിഗമനത്തിലായിരുന്നു ചികിത്സ.
ഐസിയുവില് പ്രവേശിപ്പിച്ചിട്ടും രോഗം ശമിക്കാഞ്ഞതിനെ തുടര്ന്ന് മെയ് 29 ന് കുഞ്ഞിന് ഇന്ഫ്ളിക്സിമാബ് എന്ന തീവ്രത കൂടിയ ഇന്ജക്ഷന് കുത്തിവച്ചു.
ഈ മരുന്ന് കുത്തിവച്ചാല് ഹൃദയാഘാത സാധ്യത ഉണ്ടെന്ന് അറിയമായിരുന്നിട്ടും നിരീക്ഷണത്തിനുളള സംവിധാനങ്ങളൊന്നും കുട്ടിയുടെ ശരീരത്തില് ഘടിപ്പിച്ചിരുന്നില്ല.
കുഞ്ഞ് അസാധാരണമായ ശ്വാസമെടുക്കുന്നത് കണ്ട് വീട്ടുകാര് ബഹളം വെച്ചതിനെ തുടര്ന്നാണ് ഡ്യൂട്ടിയിലുണ്ടായിരുന്ന ഡോക്ടര്മാര് കുഞ്ഞിന്റെ ആരോഗ്യസ്ഥിതി മോശമാണെന്ന് അറിഞ്ഞതെന്നും ഇവര് ആരോപിച്ചു.
സംഭവത്തില് കുട്ടിയുടെ രക്ഷിതാക്കള് ആരോഗ്യമന്ത്രി വീണാ ജോര്ജിന് പരാതി നല്കിയിട്ടുണ്ട്.
അതേസമയം കുട്ടിക്ക് ഗുരുതരമായ ഹൃദ്രോഗം ഉണ്ടായിരുന്നെന്നും ആശുപത്രിയില് ഒരു വിധത്തിലുളള ചികിത്സാപിഴവും ഉണ്ടായിട്ടില്ലെന്നുമാണ് ആശുപത്രി സൂപ്രണ്ടിന്റെ പ്രതികരണം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.