മാരക മയക്കു മരുന്നുകളുമായി ആലപ്പുഴ സ്വദേശികൾ പാലക്കാട് പിടിയിൽ

ഒറ്റപ്പാലം:പാലക്കാട് ട്രെയിൻ പരിശോധനയിൽ ഹാഷിഷും ചരസും എൽഎസ്ഡി സ്റ്റാമ്പുകളും പിടികൂടി.

എക്സൈസ് സ്പെഷ്യൽ സ്ക്വാഡ്  ഇൻസ്പെക്ടർ കെ ആർ അജിത്തും സംഘവും പാലക്കാട്‌ RPF ടീമും  ചേർന്നാണ് മയക്കുമരുന്നുകൾ പിടികൂടിയത്.

ആലപ്പുഴ ചേർത്തല സ്വദേശികളായ ജിസ്മാൻ (21 വയസ്സ്), അഖിൽ (25 വയസ്സ്) എന്നിവരെ 50.85 ഗ്രാം ഹാഷിഷും, 8.65 ഗ്രാം ചരസ്സും, 0.50 ഗ്രാം എൽഎസ്ഡി സ്റ്റാമ്പുമായിട്ടാണ് പിടികൂടിയത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.