ആലപ്പുഴ : വാട്ടര് മീറ്ററുകള് മോഷ്ടിച്ചു കടന്നു കളഞ്ഞ സംഘം അറസ്റ്റില്. തോട്ടപ്പള്ളി ഒറ്റപ്പന മാമ്പറമ്പില് അശ്വിന് (18), കരൂര് പുതുവല് വിവേക് (20) എന്നിവരെയാണ് അമ്പലപ്പുഴ പോലീസ് സംഘം അറസ്റ്റ് ചെയ്തത്. ഇവരെ കൂടാതെ പ്രായപൂര്ത്തിയാകാത്ത ഒരു യുവാവ് കൂടി അറസ്റ്റിലായിട്ടുണ്ട്.
അമ്പലപ്പുഴ തെക്ക്, അമ്പലപ്പുഴ വടക്ക്, പുറക്കാട് പഞ്ചായത്തുകളിലെ ഇരുപത്താറോളം വീടുകളിലെ വാട്ടര് കണക്ഷനുകളിലെ മീറ്ററുകളാണ് പ്രതികള് അറത്തുമാറ്റിയത്.
സംഘം അര്ധരാത്രിക്ക് ശേഷം പഞ്ചായത്ത് റോഡുകള്ക്ക് സമീപമുള്ള വീടുകളില് നിന്നും ബ്രാസ് നിര്മിത മീറ്റര് ഹാക്സോ ബ്ലേഡിന് അറുത്തു മാറ്റുകയും ഇവ പിന്നീട് പല കഷണങ്ങളാക്കി വില്ക്കുകയുമാണ് ചെയ്തിരുന്നത്. ഇങ്ങനെ ഇളക്കിയെടുക്കുന്ന ബ്രാസ് ഒന്നിന് 400 രൂപ വീതം ഇവര്ക്ക് ലഭിക്കുകയും ആക്രിക്കടയില് നിന്നും ഇത്തരം 24 കിലോ ബ്രാസ് പോലീസ് സംഘം കണ്ടെടുക്കുകയും ചെയ്തു.
മീറ്റര് അറുത്തുമാറ്റിയാലും കുടിവെള്ളം ഒഴുകുന്നതിന് തടസമില്ലാത്തതിനാല് മോഷണം നടന്ന വിവരം വീട്ടുകാര് പലപ്പോഴും പിന്നീടാണ് അറിയുന്നത്. ഇത്തരം പരാതികള് നിരന്തരമായി വന്നതിനെത്തുടര്ന്ന് പോലീസ് അന്വേഷണം നടത്തുകയും പ്രായപൂര്ത്തി ആകാത്ത കുട്ടി ഉള്പ്പടെയുള്ളവരെ പോലീസ് അറസ്റ്റ് ചെയ്യുകയുമായിരുന്നു.
പ്രതികളെ ചോദ്യം ചെയ്തതില് നിന്നും ഇവര് പടിഞ്ഞാറേ നടയില് നിന്നും മോഷ്ടിച്ച ബൈക്ക് പാര്ട്സുകളാക്കി ഇളക്കി മാറ്റി വച്ചിരിക്കുന്നതായും കണ്ടെത്തി. അന്വേഷണ സംഘത്തില് എസ്.ഐ ടോള്സണ്, സി.പി.ഒ അബൂബക്കര് സിദ്ദീഖ്, സി.പി.ഒ ജോസഫ്, അമ്പലപ്പുഴ ഡിവൈ.എസ്.പിയുടെ നാര്ക്കോട്ടിക് സ്ക്വാഡ് സി.പി.ഒ ബിനോയ്, സി.പി.ഒ രാജീവ് എന്നിവരുമുണ്ടായിരുന്നു. പ്രതികളെ കോടതിയില് ഹാജരാക്കി റിമാന്റ് ചെയ്തു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.