കുട്ടിക്കാനത്തിന് സമീപം ലോറി ഓട്ടോയുടെ മുകളിലേക്ക് മറിഞ്ഞ് മുണ്ടക്കയം സ്വദേശി യുവാവ് മരിച്ചു.

ഇടുക്കി :കോട്ടയം കുമിളി റോഡിൽ കുട്ടിക്കാനം മുറിഞ്ഞപുഴയില്‍ ലോറി ഓട്ടോയുടെ മുകളിലേക്ക് മറിഞ്ഞു. അപകടത്തിൽ മുണ്ടക്കയം  സ്വദേശിയായ യുവാവ് മരിച്ചു.

മുണ്ടക്കയം പറത്താനം സ്വദേശി പുതുവേൽ മെൽവിൻ ആണ് മരിച്ചത്.വളവിൽ അപകടത്തിൽപ്പെട്ട ലോറിക്കിടയിലേക്ക് ഓട്ടോറിക്ഷ പെട്ടു പോവുകയായിരുന്നു എന്നതാണ് പ്രാഥമിക വിവരം.ഇന്ന് വൈകിട്ട് 4:30 ഓടെ ആയിരുന്നു അപകടം.

കോട്ടയം ഭാഗത്തേക്ക് പോയ ലോറി നിയന്ത്രണം വിട്ട് എതിർ ദിശയിൽ വരികയായിരുന്ന ഓട്ടോയുടെ മുകളിലേക്ക് മറിയുകയായിരുന്നു. അപകടത്തിൽ ഓട്ടോറിക്ഷ പൂർണ്ണമായും തകർന്നു.പോലീസും ഫയർഫോഴ്സും സ്ഥലത്തെത്തി വടംകെട്ടി ലോറി മാറ്റിയതിനുശേഷം ആണ് ഓട്ടോ ഡ്രൈവറെ പുറത്തെടുത്തത്. ലോറി ഡ്രൈവർക്ക് നിസാര പരിക്കുണ്ട്.