ഇടുക്കി:പൂപ്പാറയില്‍ വീട്ടമ്മയെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. പടിഞ്ഞാറേക്കുടി പൗള്‍രാജിന്റെ ഭാര്യ മുരുകേശ്വരി(46)യെയാണ് ഇവരുടെ പുരയിടത്തിനു സമീപം ആള്‍ താമസമില്ലാത്ത വീട്ടില്‍ മരിച്ച നിലയില്‍ കണ്ടെത്തിയത്.
.jpg)
വ്യാഴാഴ്ച ആരാധനാലയത്തില്‍ പോയി മടങ്ങി വന്നതിന് ശേഷമാണ് രാത്രിയില്‍ ഇവരെ കാണാതാകുന്നത്. ബന്ധുവീടുകളില്‍ അന്വേഷിച്ചെങ്കിലും കണ്ടെത്താനായില്ല. തുടര്‍ന്ന് ബന്ധുക്കള്‍ ശാന്തന്‍പാറ പോലീസില്‍ പരാതി നല്‍കി.
ഞായറാഴ്ച രാവിലെ ഇവരുടെ വീട്ടില്‍ നിന്നും ഏതാനും അകലെ തുറന്ന് കിടന്ന ആൾ താമസമില്ലാത്ത മറ്റൊരു വീട്ടില്‍ യുവതിയുടെ മൃതദേഹം കണ്ടെത്തുകയായിരുന്നു.
സ്ഥലം ഉടമ രാവിലെ കൃഷി ജോലികള്‍ക്കായി എത്തിയപ്പോഴാണ് മൃതദേഹം കണ്ടെത്തിയത് ശാന്തന്‍പാറ പോലീസ് മേല്‍ നടപടികള്‍ സ്വീകരിച്ചു. മൃതദേഹം ഇടുക്കി മെഡിക്കല്‍ കോളജിലേക്ക് മാറ്റി.
മരണത്തില്‍ ദുരൂഹതയുണ്ടെന്ന് മുരുകേശ്വരിയുടെ ബന്ധുക്കള്‍ ആരോപിച്ചു. എന്നാല്‍ അസ്വാഭാവിക മരണത്തിന്റെ ലക്ഷണങ്ങള്‍ പ്രാഥമിക പരിശോധനയില്‍ കണ്ടെത്താന്‍ കഴിഞ്ഞില്ലെന്നും പോസ്റ്റുമോര്‍ട്ടത്തിന് ശേഷം മാത്രമെ മരണ കാരണം വ്യക്തമാകൂ എന്നും ശാന്തന്‍പാറ സി.ഐ പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.