സിക്കിമിൽ വൻ ഹിമപാതം; ദുരന്തത്തിൽ നിരവധി പേരെ കാണാതായി

ഇന്ത്യയിലെ വടക്കുകിഴക്കൻ സംസ്ഥാനമായ സിക്കിമിൽ വൻ ഹിമപാതം. 150 ഓളം ടൂറിസ്റ്റുകൾ ഉൾപ്പടെ ആളുകൾ കുടുങ്ങിയതായി പ്രാദേശിക മാധ്യമങ്ങളും സോഷ്യൽ മീഡിയയും റിപ്പോർട്ട് ചെയ്യുന്നു. ഹിമപാതത്തെത്തുടർന്ന് രക്ഷപ്പെട്ടവർക്കായി റെസ്ക്യൂ ടീം അംഗങ്ങൾ തിരച്ചിലുകൾ നടത്തുന്നു.

വിനോദസഞ്ചാരികൾക്ക് 13 മൈൽ വരെ മാത്രമേ കയറാൻ അനുവാദമുള്ളൂവെങ്കിലും 15 മൈൽ വരെ പോയപ്പോൾ അവർ ഹിമപാതത്തിൽ കുടുങ്ങിയതായി സിക്കിം പോലീസ് ഉദ്യോഗസ്ഥർ അഭിപ്രായപ്പെട്ടു. സിക്കിമിലെ പ്രശസ്തമായ വിനോദസഞ്ചാര കേന്ദ്രമായ നാഥുല പാസിനടുത്തുള്ള സോങ്മോയിൽ ചൊവ്വാഴ്ച വലിയ ഹിമപാതമുണ്ടായി. പ്രകൃതിദുരന്തത്തിൽ ആറ് പേർ മരിച്ചു.

മഞ്ഞിനടിയിൽ കുടുങ്ങിയ 30 വിനോദസഞ്ചാരികളെ രക്ഷപ്പെടുത്തി ഗാങ്ടോക്കിലെ എസ്ടിഎൻഎം ആശുപത്രിയിലും സെൻട്രൽ റഫറൽ ആശുപത്രിയിലും പ്രവേശിപ്പിച്ചതായി വാർത്താ ഏജൻസിയായ എഎൻഐ റിപ്പോർട്ട് ചെയ്തു.

Reports of some tourists trapped in Avalanche on road towards Changu

Prayers🙏🏻🙏🏻

4th April 2023#Sikkim pic.twitter.com/pVqaJm2nYq

— Weatherman Shubham (@shubhamtorres09) April 4, 2023

രക്ഷാപ്രവർത്തനവും ക്ലിയറൻസും ഇപ്പോഴും തുടരുകയാണെന്ന് മുതിർന്ന പോലീസ് ഉദ്യോഗസ്ഥൻ പറഞ്ഞു. നിലവിൽ സിക്കിം പോലീസ്, ട്രാവൽ ഏജന്റ്സ് അസോസിയേഷൻ ഓഫ് സിക്കിം, ടൂറിസം വകുപ്പ് ഉദ്യോഗസ്ഥർ, വാഹന ഡ്രൈവർമാർ എന്നിവർ ചേർന്നാണ് രക്ഷാപ്രവർത്തനം നടത്തുന്നത്.

ബോർഡർ റോഡ്‌സ് ഓർഗനൈസേഷൻ ദ്രുതഗതിയിലുള്ള രക്ഷാപ്രവർത്തനം ആരംഭിച്ചു, ആഴത്തിലുള്ള താഴ്‌വരയിൽ നിന്ന് 6 പേർ ഉൾപ്പെടെ ഇതുവരെ 22 പേരെ രക്ഷപ്പെടുത്തിയതായി രക്ഷാപ്രവർത്തകർ പറഞ്ഞു.

ചൈനയുടെ അതിർത്തിയിലാണ് നാഥുല ചുരം സ്ഥിതി ചെയ്യുന്നത്, പ്രകൃതിരമണീയമായതിനാൽ ഒരു പ്രധാന ടൂറിസ്റ്റ് കേന്ദ്രമാണ്. ഉച്ചയ്ക്ക് 12.20 ഓടെയാണ് സംഭവം നടന്നതെന്ന് പ്രാദേശിക വാർത്താ റിപ്പോർട്ടുകൾ പറയുന്നു. ജവഹർലാൽ നെഹ്‌റു മാർഗിൽ വിനോദസഞ്ചാരികൾ പോകുന്നതിനിടെയാണ് സംഭവം. ഹിമപാതമുണ്ടായപ്പോൾ വിനോദസഞ്ചാരികൾ അനുവദനീയമല്ലാത്ത പതിനേഴാം മൈലിലേക്ക് പോയിരുന്നതായി എസ്പി പറഞ്ഞു.