അമേരിക്കയിലെ കെന്റക്കിയിൽ ഒരു ബാങ്കിലുണ്ടായ വെടിവയ്പിൽ അഞ്ച് പേര്‍ കൊല്ലപ്പെട്ടു;എട്ട് പേര്‍ക്ക് പരിക്കേറ്റു

കെന്റക്കി: അമേരിക്കയിലെ കെന്റക്കിയിൽ ഒരു ബാങ്കിലുണ്ടായ വെടിവയ്പിൽ അഞ്ച് പേര്‍ കൊല്ലപ്പെട്ടു. സുരക്ഷാ ഉദ്യോഗസ്ഥനടക്കം എട്ട് പേര്‍ക്ക് പരിക്കേറ്റു. ലൂയിവില്ലെയിലെ ഓള്‍ഡ് നാഷണല്‍ ബാങ്കിലാണ് വെടിവയ്പ്പുണ്ടായത്. 

തിങ്കളാഴ്ച 25-കാരൻ അഞ്ച് സഹപ്രവർത്തകരെ റൈഫിൾ ഉപയോഗിച്ച് വെടിവച്ചു കൊന്നതായി പോലീസ് അറിയിച്ചു. ആക്രമണത്തിൽ മറ്റ് എട്ട് പേർക്ക് പരിക്കേറ്റു, അവരിൽ രണ്ട് പേരുടെ നില ഗുരുതരമാണ്. അക്രമം തത്സമയം സംപ്രേക്ഷണം ചെയ്‌തു. പ്രതിയെ പോലീസ് വെടിവച്ച്  കൊലപ്പെടുത്തുകയായിരുന്നു.പ്രാദേശിക സമയം തിങ്കളാഴ്ച രാവിലെ എട്ടരയോടെയായിരുന്നു ആക്രമണം.

കൊല്ലപ്പെട്ടവരിൽ നാല് പേർ ഓൾഡ് നാഷണൽ ബാങ്കിലെ ജീവനക്കാരാണെന്ന് പോലീസ് തിരിച്ചറിഞ്ഞു: ജോഷ്വ ബാരിക്ക്, 40; തോമസ് എലിയട്ട്, 63; ജൂലിയാന ഫാർമർ, 45; ജെയിംസ് ടുട്ട്, 64. അഞ്ചാമത്തെ ഇരയായ ഡീന എക്കർട്ടും (57) അവിടെ ജോലി ചെയ്തുവെന്ന് ലിങ്ക്ഡ്ഇൻ പേജ് പറയുന്നു.  ഗുരുതരമായി പരിക്കേറ്റവരിൽ നിക്കോളാസ് വിൽറ്റ് (26) ഉൾപ്പെടുന്നു, അദ്ദേഹം മാർച്ച് 31 ന് പോലീസ് അക്കാദമിയിൽ നിന്ന് ബിരുദം നേടി.

ബാങ്കിലെ മുന്‍ ജീവനക്കാരനായ 25 കാരൻ കോണർ സ്റ്റർജിയനാണ് അക്രമിയെന്ന് പൊലീസ് പറഞ്ഞു.  കോണ്‍ഫ്രന്‍സ് റൂമിനകത്ത് തോക്കുമായെത്തിയ ഇയാള്‍ വെടിയുതിര്‍ക്കുകയായിരുന്നു. ആക്രമണം ലൈവ് സ്ട്രീം ചെയ്തു. പൊലീസുമായുള്ള വെടിവയ്പ്പിനിടെയാണ് അക്രമിയും കൊല്ലപ്പെട്ടത്.  

പൊതുജനങ്ങൾക്കായി ബാങ്കിംഗ് പ്രവർത്തനം ആരംഭിക്കുന്നതിന് 30 മിനിറ്റ് മുമ്പാണ് ആക്രമണം ഉണ്ടായത്. അകത്ത് രാവിലത്തെ പതിവ് കോൺഫ്രൻസ് മീറ്റിങ് നടക്കുകയായിരുന്നു. ഈ സമയമാണ് പ്രതി ആക്രമിച്ച് കയറി വെടിവയ്പ്പ് നടത്തിയത്.  പരിക്കേറ്റവരിൽ മൂന്ന് പേരുടെ നില അതീവ ഗുരുതരമാണ്. ഇതിൽ 10 ദിവസം മുമ്പ് പൊലീസ് അക്കാദമിയിൽ നിന്ന് ബിരുദം നേടിയ 26 കാരനായ പൊലീസ് ഉദ്യോഗസ്ഥനും ഉണ്ട്. സംഭവത്തിൽ പൊലീസും എഫ്ബിഐയും അന്വേഷണം തുടങ്ങി.

പ്രസിഡന്റ് ബൈഡൻ ഉൾപ്പെടെ നിരവധി ദേശീയ രാഷ്ട്രീയ നേതാക്കൾ തിങ്കളാഴ്ച ലൂയിസ്‌വില്ലെയിലെ അക്രമത്തെ അപലപിക്കുകയും തോക്ക് നിയമനിർമ്മാണത്തിൽ നടപടിയെടുക്കാൻ ആവശ്യപ്പെടുകയും ചെയ്തു.