WMF- ഏഷ്യ റീജിയൻ -ന്റെ ആദ്യ പ്രാദേശിക ഉച്ചകോടി,2023 ഏപ്രിൽ 16-ന് ഗോവയിലെ കലാൻഗുട്ടിലുള്ള ഹോട്ടൽ ബ്ലൂം സ്യൂട്ടിൽ നടന്നു

WMF- ഏഷ്യ റീജിയൻ -ന്റെ ആദ്യ പ്രാദേശിക ഉച്ചകോടി (WMF Asia Summit , GOA -2023), 2023 ഏപ്രിൽ 16-ന് വൈകിട്ട് 3.30 PM -ന് ഗോവയിലെ കലാൻഗുട്ടിലുള്ള ഹോട്ടൽ ബ്ലൂം സ്യൂട്ടിൽ നടന്നു. ഡബ്ല്യുഎംഎഫ് സ്ഥാപകനും ഗ്ലോബൽ ചെയർമാനുമായ ഡോ. പ്രിൻസ് പള്ളിക്കുന്നേൽ മുഖ്യപ്രഭാഷണം നടത്തി. WMF എന്ന ലോകോത്തര സംഘടന സ്ഥാപിക്കാനുണ്ടായ പ്രേരണയും നിശ്ചയധാർട്യവും അദ്ദേഹം മുഖ്യ പ്രഭാഷണത്തിൽ എടുത്തു പറഞ്ഞു.

ഡബ്ല്യുഎംഎഫ് ഗ്ലോബൽ പ്രസിഡന്റ് ഡോ. ജെ.രത്നകുമാർ അധ്യക്ഷത വഹിച്ച ഉച്ചകോടി സമ്മേളനം റിയർ അഡ്മിറൽ ഫിലിപ്പോസ്.ജി. പൈനുമൂട്ടിൽ ഉദ്ഘാടനം ചെയ്തു.

അദ്ധ്യക്ഷപ്രസംഗത്തിൽ ഡബ്ല്യുഎംഎഫ് ഏഷ്യാ മേഖല കൈവരിച്ച വൻ വളർച്ചയ്ക്ക് ഡോ രത്നകുമാർ നന്ദി രേഖപ്പെടുത്തി. ശ്രീ ജോജിക്കൊപ്പം WMF ഗോവ യൂണിറ്റിന്റെ രക്ഷാധികാരിയായി റിയർ അഡ്മിറൽ ഫിലിപ്പോസ് ജി പൈനുമൂട്ടിലിന്റെ പേരും ചെയർമാൻ ഡോ. പ്രിൻസ് പള്ളിക്കുന്നേൽ, പ്രഖ്യാപിച്ചു. WMF ഗ്ലോബൽ കോർഡിനേറ്റർ ശ്രീ പൗലോസ് തേപ്പാല, ഗ്ലോബൽ സെക്രട്ടറി ശ്രീ ഹരീഷ് ജി നായർ എന്നിവർ പ്രഭാഷണം നടത്തി.

ചടങ്ങിൽ 2024 ൽ തായ്ലൻഡിൽ നടക്കുന്ന, നാലാം ദിവത്സര ഗ്ലോബൽ കൺവെൻഷൻടെ തിയതി പ്രഖ്യാപനവും ലോഗോപ്രകാശനവും നടത്തി . WMF ഏഷ്യ മെമ്പർഷിപ്പ് ഡ്രൈവിന്റെ പൊതുവെയുളള പുരോഗതി WMF ​​ഏഷ്യ റീജിയണൽ ട്രഷറർ ശ്രീ ഡിന്റോ ജേക്കബ് പങ്കുവെച്ച ഉച്ച കോടി സമ്മേളനത്തിന് ഗ്ലോബൽ വൈസ് പ്രസിഡന്റും ഏഷ്യ റീജൻ ഓവർസീയറുമായ ശ്രീ റജിൻ ചാലപ്പുറം സ്വാഗതവും ഏഷ്യ കോർഡിനേറ്റർ ശ്രീ ലിൻസൺ ജോസഫ് നന്ദിയും പറഞ്ഞു.

നെറ്റ്‌വർക്ക് ഡിന്നറും കോക്‌ടെയിൽ മ്യൂസിക്കൽ പാർട്ടിയും ഗ്രൂപ്പ് ഫോട്ടോ സെഷനും ഉണ്ടായിരുന്നു. ഉദ്ഘാടന ചടങ്ങിന് മുന്നോടിയായി, WMF ഏഷ്യ റീജിയണൽ/നാഷണൽ/സ്റ്റേറ്റ് നേതാക്കൾ ആഗോള നേതാക്കളെ സ്വാഗതം ചെയ്യുകയും ആദരിക്കുകയും ചെയ്തു. ഡബ്ല്യുഎംഎഫ് ഏഷ്യ റീജിയൻ പ്രസിഡന്റ് ഡോ.എ.രാജേന്ദ്ര പ്രസാദ് സമ്മേളനത്തെ സ്വാഗതം ചെയ്യുകയും വിവിധ ദേശീയ, സംസ്ഥാന കൗൺസിലുകൾ നടപ്പിലാക്കിയ പ്രധാന പരിപാടികൾക്കൊപ്പം കഴിഞ്ഞ വർഷത്തെ മേഖലയുടെ മൊത്തത്തിലുള്ള പുരോഗതിയും WMF ഏഷ്യ കോർഡിനേറ്റർ ശ്രീ ലിൻസൺ പങ്കുവെക്കുകയും ചെയ്തു.

ആദ്യ സെഷനു സമാപനത്തോടൊപ്പം ഇഫ്താർ വിരുന്നും നടത്തപ്പെട്ടു. പ്രശസ്ത കലാകാരൻ ശ്രീ രാജ് കലേഷും ധന്യയും ചേർന്ന് പരിപാടികൾ നിയന്ത്രിച്ചു .

വിജയകരമായി പ്രാദേശിക ഉച്ചകോടി നടത്താൻ സഹായിച്ച മുഖ്യാതിഥി, WMF ആഗോള സംഘടനയുടെ കാബിനറ്റ്, ഗ്ലോബൽ,റീജനൽ,നാഷണൽ, സംസ്ഥാന കൗൺസിലുകളുടെ നേതാക്കൾ, അംഗങ്ങൾ, സുഹൃത്തുക്കൾ എന്നിവരോടും,WMF ഗോവ സംസ്ഥാന ഘടകത്തിനും പ്രത്യേക നന്ദി അറിയിക്കുന്നു.

WMF ഏഷ്യ റീജിയണൽ കൗൺസിൽ.

The above Press Release is Issued by Dr.A.Rajendra Prasad , WMF Coimbatore Council Chief Coordinator and WMF Asia region President on 21 st April 2023