തീക്കോയി: തീക്കോയി ഗ്രാമപഞ്ചായത്ത് 2023-2024 സാമ്പത്തിക വർഷത്തിൽ തൊഴിലുറപ്പ് പദ്ധതി ആക്ഷൻ പ്ലാൻ പ്രകാരം ജലാശയങ്ങളുടെ ശുചീകരണവും നീരൊഴുക്ക് സുഗമമാക്കൽ തുടങ്ങിയ പ്രവർത്തികൾ ഏറ്റെടുക്കും.
ഗ്രാമപഞ്ചായത്തിലെ തോടുകൾ ,നീർച്ചാലുകൾ ,ചെക്ക്ഡാമുകൾ , തുടങ്ങിയവയാണ് ശുചീകരിക്കുക. നാലായിരം തൊഴിൽ ദിനങ്ങൾ ഈ പ്രവർത്തികൾക്കായി പ്രയോജനപ്പെടുത്തും.
നടപ്പുവർഷം ഗ്രാമപഞ്ചായത്തിൽ അൻപതിനായിരം തൊഴിൽ ദിനങ്ങളാണ് ലക്ഷ്യമിടുന്നത് . വ്യക്തിഗത ആനുകൂല്യങ്ങളായ കാലിത്തൊഴുത്ത് ,ആട്ടിന്കൂട് ,കോഴിക്കൂട് ,അസ്സോള ടാങ്ക് ,പടുതാക്കുളം ,തീറ്റപ്പുൽ കൃഷി ,കിണർ നിർമ്മാണം ,റീച്ചാർജിങ് ,സോക്പിറ്റ് ,നടേപ് കമ്പോസ്റ്റ് തുടങ്ങിയ വ്യക്തിഗത ആനുകൂല്യ അനുബന്ധ പദ്ധതികളും ,
മെറ്റീരിയൽ പ്രവർത്തികളായ അംഗൻവാടി കെട്ടിടം ,റോഡ് നിർമ്മാണം ,വർക്ക് ഷെഡ് ,നഴ്സറി നിർമ്മാണം എന്നീ പ്രവർത്തികളും നടപ്പുവർഷത്തിൽ ഏറ്റെടുക്കും . ഇതോടൊപ്പം മണ്ണ് ജല സംരക്ഷണ പ്രവർത്തികളായ കയ്യാല നിർമ്മാണം ,മഴക്കുഴി ,വൃക്ഷ തൈ നടീൽ ,തുടങ്ങിയ പ്രവർത്തനങ്ങളും നടപ്പിലാക്കും .
ഗ്രാമപഞ്ചായത്ത് ഏപ്രിൽ 27 ന് നടത്തുന്ന സമ്പൂർണ്ണ മാലിന്യ നിർമാർജ്ജന മഴക്കാല ശുചീകരണ പ്രവർത്തനത്തിൽ തൊഴിലുറപ്പ് പ്രവർത്തകർ പങ്കാളികളാകും . ഗ്രാമപഞ്ചായത്ത് പ്രസിഡന്റ് കെ .സി ജെയിംസിന്റെ അധ്യക്ഷതയിൽ ചേർന്ന തൊഴിലുറപ്പ് അവലോകന യോഗത്തിൽ
ബ്ലോക്ക് പഞ്ചായത്ത് മെമ്പർ ഓമന ഗോപാലൻ , ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയർമാന്മാരായ , ബിനോയ് ജോസഫ് , മോഹനൻ കുട്ടപ്പൻ , സെക്രട്ടറി ആർ.സുമ ഭായ് അമ്മ , ജോയിന്റ് ബി.ഡി.ഒ രെഞ്ജിത് ബിജുകുമാർ , എക്സ്റ്റൻഷൻ ഓഫീസർ റോസ്മി ജോസ് , വി.ഇ.ഒ സൗമ്യ കെ.വി , ഓവർസിയർ സുറുമി പി .എച്ച് , അക്കൗണ്ടന്റ് കം ഐ റ്റി അസിസ്റ്റന്റ് ലിസ്സിക്കുട്ടി ഫ്രാൻസിസ് തുടങ്ങിയവർ പ്രസംഗിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.