തിരുവല്ല: പോലീസില് പരാതി നല്കിയ വിരോധത്തിന്റെ പേരില് ടി.കെ. റോഡില് നെല്ലാട് പാടത്തുംപാലത്ത് ജോലി കഴിഞ്ഞ് സ്കൂട്ടറില് വീട്ടിലേക്ക് മടങ്ങുകയായിരുന്ന യുവതിയെ കയറിപ്പിടിച്ച സംഭവത്തില് യുവാവിനെ തിരുവല്ല പോലീസ് അറസ്റ്റ് ചെയ്തു.
വള്ളംകുളം പന്നാമുറിയില്വീട്ടില് വിഷ്ണു(വിക്കി-24)വാണ് പിടിയിലായത്. കഴിഞ്ഞദിവസം രാത്രി എട്ടരയ്ക്കാണ് സംഭവം. തിരുവല്ലയിലെ സ്വകാര്യ സ്ഥാപനത്തില് ജോലി ചെയ്യുന്ന യുവതി വീട്ടിലേക്ക് സ്കൂട്ടറില് മടങ്ങുമ്പോള് പാടത്തുംപാലം പൂവപ്പുഴയില് സ്കൂട്ടര് തടഞ്ഞുനിര്ത്തിയ വിഷ്ണു യുവതിയെ അസഭ്യം പറഞ്ഞശേഷം കടന്നുപിടിക്കുകയും ചുരിദാര് വലിച്ചു കീറുകയുമായിരുന്നു.
യുവതി ബഹളം വച്ചതോടെ സമീപവാസികള് ഓടിക്കൂടി. ഇതുകണ്ട് സംഭവസ്ഥലത്ത് നിന്നും രക്ഷപ്പെട്ട വിഷ്ണുവിനെ യുവതി നല്കിയ പരാതിയില് വീടിന് സമീപത്തു നിന്നാണ് പോലീസ് അറസ്റ്റ് ചെയ്തത്. നിരന്തരമായി ശല്യം ചെയ്യുന്നതായി കാണിച്ച് പരാതിക്കാരിയായ യുവതി വിഷ്ണുവിനെതിരേ തിരുവല്ല പോലീസില് പരാതി നല്കിയിരുന്നു.
ഇതിലുള്ള വിരോധമാണ് അക്രമണത്തിനു കാരണമെന്ന് പോലീസ് പറഞ്ഞു. തിരുവല്ല കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.