ഡല്‍ഹി: ഡല്‍ഹി ബസ് സ്റ്റോപ്പിന് സമീപം തലയോട്ടി, ഇടുപ്പ്, കൈപ്പത്തി എന്നിവ പ്ലാസ്റ്റിക്കില്‍ പൊതിഞ്ഞ നിലയില്‍ കണ്ടെത്തി. ഇന്നലെ രാവിലെ ഡല്‍ഹിയിലെ സരായ് കാലേ ഖാന്‍ ഏരിയയിലെ ബസ് സ്റ്റാന്‍ഡിന് സമീപമാണ് മനുഷ്യ ശരീരഭാഗങ്ങള്‍ കണ്ടെത്തിയത്.
മൃതദേഹം തിരിച്ചറിയാന്‍ ഒരു സംഘത്തെ വിന്യസിച്ചതായി പോലീസ് അറിയിച്ചു. കണ്ടെടുത്ത മുടിയില്‍ നിന്ന് ഒരു സ്ത്രീയുടേതാണ് മൃതദേഹം എന്ന് പോലീസ് സംശയിക്കുന്നു. ഇരയെ കൊലപ്പെടുത്തിയ ശേഷം പല കഷ്ണങ്ങളാക്കി മുറിച്ച് പ്ലാസ്റ്റിക് കവറിലാക്കി വലിച്ചെറിയുകയായിരുന്നുവെന്നാണ് സംശയിക്കുന്നത്.
ശരീരഭാഗങ്ങള്‍ അഴുകി ദുര്‍ഗന്ധം വമിക്കാന്‍ തുടങ്ങിയതോടെ നാട്ടുകാര്‍ പോലീസിനെ വിളിച്ചു. പോലീസ് സ്ഥലത്തെത്തി ബാഗുകള്‍ തുറന്ന് പരിശോധിച്ചപ്പോള്‍ ഒരു സ്ത്രീയുടെ തലയോട്ടിയും ഇടുപ്പിന്റെ ഭാഗങ്ങളും കൈപ്പത്തിയും കണ്ടെത്തുകയായിരുന്നു.
കുറ്റകൃത്യം നടന്ന സ്ഥലം ഫോറന്‍സിക് സംഘം പരിശോധിച്ചു, അവശിഷ്ടങ്ങള്‍ എയിംസിലേക്ക് കൊണ്ടുപോയി. സംഭവത്തില്‍ അന്വേഷണം ആരംഭിക്കുകയും പ്രദേശത്തെ സിസിടിവി ദൃശ്യങ്ങള്‍ ശേഖരിക്കുകയും ചെയ്ത പോലീസ് കൊലപാതകത്തിന് കേസ് രജിസ്റ്റര്‍ ചെയ്തിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.