യുകെ: ഒരു വശത്ത് സ്ത്രീ ശക്തയാണെന്ത് വാദിച്ചു കത്തികയറുമ്പോൾ മറുവശത്ത് സ്ത്രീ അപലയാണെന്ന സ്വയം സർട്ടിഫിക്കറ്റ് ഫ്രീ ആയി മേടിച്ചു വീട്ടിൽ ചടഞ്ഞു കൂടേണ്ട ഒരു അവസ്ഥയായി ഈ ആർത്തവമെന്ന പ്രകൃതി പ്രക്രിയയെ നമ്മൾ കാണണമോ ?
കാരണം ആർത്തവം വരുന്നേ എന്ന് പറഞ്ഞു അലമുറയിട്ടു കരഞ്ഞു തളർന്നിരിക്കാൻ തക്ക കാരണങ്ങളൊന്നും തന്നെ ഈ പ്രകൃതി പ്രക്രിയക്കില്ല. നമ്മുടെ അജ്ഞതകൊണ്ട് മറയപെടുന്ന പല ബെനിഫിറ്റുകളും ആർത്തവ കാലം / ആ ദിവസങ്ങളിലെ ചെറിയൊരു നടത്തമായാൽ പോലും അത് നമ്മുടെ ശരീരത്തിന് നൽകുന്നുണ്ട് ...
അതിനാൽ വീട്ടിൽ ചടഞ്ഞുകൂടാൻ തിടുക്കം കൂട്ടുന്നവർ അറിഞ്ഞോളൂ... ആർത്തവം എന്നത് ഒരു സ്ത്രീയെ കൂടുതൽ കരുത്തുറ്റവളാക്കുകയാണ് ചെയ്യുന്നത് .
സ്ത്രീകളുടെ ആർത്തവചക്രത്തിന്റെ ആദ്യ രണ്ടാഴ്ച സ്ത്രീ ഹോർമോണുകളുടെ അളവ് വളരെ കുറവായതിനാൽ ആ ദിവസങ്ങൾ May allow you to experience greater gains in strength and power due to low levels of female hormones.
അമേരിക്കൻ ആയുർദൈർഘ്യ വിദഗ്ധൻ തോമസ് പേൾസിന്റെ അഭിപ്രായത്തിൽ, ആർത്തവസമയത്തു അവളിലുണ്ടാകുന്ന ഹോര്മോൺ വ്യത്യാസങ്ങളും, രക്തത്തിന്റെ പുറം തള്ളലുമാണ് ഒരുപരുധിവരെ സ്ത്രീകൾ പുരുഷന്മാരേക്കാൾ കൂടുതൽ കാലം ജീവിച്ചിരിക്കാനുള്ള കാരണം തന്നെ....
കൂടാതെ ഈ ഒരു പ്രക്രിയയാണ് ഒരു സ്ത്രീയെ അവളുടെ മെനോപോസ് വരെ ഒരുപരുധിവരെ പുരുഷന്മാരേക്കാൾ പലവിധ കാർഡിയാക് അസുഖങ്ങളിൽ നിന്നും, ബ്രെസ്റ് കാൻസറിൽ നിന്നുമൊക്കെ അകറ്റി നിർത്തുന്നത് . കൂടാതെ എല്ലുകളുടെ ആരോഗ്യം, കറക്റ്റായ മെറ്റബോളിസം എന്നിവയിലൂടെയൊക്കെ, ഈ കാലയളവ് സ്ത്രീകളെ പലവിധത്തിൽ പ്രൊട്ടക്ട് ചെയ്യുന്നുണ്ട് .
കൂടാതെ ഈ ദിവസങ്ങളിൽ പ്രൊജസ്ട്രോണും ഈസ്ട്രജനും ഏറ്റവും താഴ്ന്ന നിലയിലായതിനാൽ ഈ ദിവസങ്ങളിലെ വ്യായാമങ്ങൾ സ്ത്രീകളിൽ എൻഡോർഫിനുകൾകൂടുതലായി ഉത്പാദിപ്പിക്കപ്പെടുകയും അങ്ങനെ സ്ത്രീകൾക്ക് ആ ദിവസങ്ങളിൽ കൂടുതൽ ആശ്വാസം ലഭിക്കുകയുമാണ് ചെയ്യുന്നത്. കാരണം എൻഡോർഫിനുകൾ പ്രകൃതിദത്തമായ വേദനസംഹാരിയാണെന്ന് ഡോ. ക്രിസ്റ്റഫർ ഹോളിഗ്സ്വർത്തു പറയുന്നു ..
അതിനാൽ ഈ സമയത്തുള്ള നേരിയ ഒരു നടത്തം പോലുള്ള വ്യായാമങ്ങൾ പോലും ആർത്തവവുമായി ബന്ധപ്പെട്ട മലബന്ധം, തലവേദന അല്ലെങ്കിൽ നടുവേദന എന്നിവയെല്ലാം കുറയ്ക്കാൻ സഹായിക്കുന്നു .
പക്ഷെ മെനോപോസ് എത്തുന്നതോടെ സ്ത്രീകളിൽ ഹോർമോണിനോട് അനുബന്ധിച്ച പലവിധ അസുഖങ്ങളും തലപൊക്കി തുടങ്ങും...അതിനാൽ മാസമുറ അവധി കൊടുത്തു ആചരിക്കേണ്ട ഒന്നാണെന്ന് തോന്നുന്നില്ല .
എന്നിരുന്നാലും , ഇതിനോടനുബന്ധിച്ചുള്ള അവധി ആയാലും അറിവായാലും സർവ്വകലാ ശാല കുട്ടികളെക്കാൾ എന്തുകൊണ്ടും അർഹിക്കുന്നത് സ്കൂൾ കുട്ടികളാണ് ......
കാരണം മാസമുറ എന്താണെന്ന് പോലും ശരിയായ അറിവില്ലാത്ത, പറഞ്ഞു കൊടുക്കാൻ അമ്മയില്ലാത്ത കുട്ടികൾ ഇന്നും നമ്മുടെ സാക്ഷര കേരളത്തിലുണ്ട് .
മാസമുറക്ക് പാഡ് വാങ്ങാൻ കഴിയാതെ തുണി ഉപോയോഗിച്ചു ക്ലസ്റൂമുകളിൽ എട്ടും ഒമ്പതും മണിക്കൂറികൾ ഇരുന്നു വീർപ്പു മുട്ടുന്ന കുട്ടികൾ , ബാത്റൂമുകളിൽ കേറാൻ ക്യൂ നിൽക്കേണ്ടിവരുന്ന കുട്ടികൾ ഇവരൊക്കെ സ്കൂളുകളിലാണ് കൂടുതൽ ....
മാസമുറയിൽ നനഞ്ഞു കുതിർന്ന അടിവസ്ത്രങ്ങൾ ഇട്ട് ഭീകരമായ അവസ്ഥയിൽ പുറത്തു പോകാനോ ഒന്നിരിക്കാനോ ആരോടും പറയാനോ പോലും പറ്റാതെ വിഷമം അനുഭവിക്കുന്ന കുട്ടികൾ ഇന്നും സ്കൂൾ ബഞ്ചുകളിലാണ് കൂടുതൽ ഉള്ളത് ...
അനുവാധമില്ലാതെ, ശരിയായ കാരണങ്ങൾ എണ്ണി നിരത്താതെ പുറത്തുപോയി തന്റെ സാനിറ്ററി പാട് പോലും മാറ്റാൻ പറ്റാത്ത കുട്ടികൾ സർവ്വകലാ ശാലയെക്കാൾ എന്തുകൊണ്ടും സ്കൂൾതലത്ങ്ങളിലാണ് ഉള്ളത് .
അതിനാൽ എന്റെ അഭിപ്രായത്തിൽ സർവ്വകലാശാലയിൽ പഠിക്കുന്ന കുട്ടികളെക്കാൾ സ്കൂൾ കുട്ടികൾക്കാണ് ആർത്തവ അവധിയും അതിനോടനുബന്ധിച്ചുള്ള ശുചിത്വ വിദ്യാഭ്യാസവും വേണ്ടത് .
എന്തൊക്കെ ആയാലും അർത്തവമെന്ന പ്രക്രിയ സ്ത്രീയെ കൂടുതൽ കരുത്തുറ്റവളാക്കുന്നു ...അതിനാൽ വീട്ടിൽ കിടന്നു ഞരങ്ങാതെ അതിനെ നല്ല ഈസി ഡേ ആയി എടുത്തു ഹെൽത് ബൂസ്റ്റപ്പ് ചെയ്യാനുള്ളൊരു കാലയളവായി കാണു ....
"Girls👩, we are blessed.."
ജോസ്ന സാബു സെബാസ്റ്റ്യൻ ✍️,(യുകെ മലയാളി എഴുത്തുകാരി)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.