കുളമാവ് നാടുകാണിക്ക് സമീപം ഓടിക്കൊണ്ടിരുന്ന ലോറിക്കു തീപിടിച്ചു.

 ഇടുക്കി: കുളമാവ് നാടുകാണിക്ക് സമീപം ഓടിക്കൊണ്ടിരുന്ന ലോറിക്കു തീപിടിച്ചു. ആർക്കും പരുക്കില്ല.ഇന്നലെ രാത്രി 10 മണിയോടെ നാടുകാണി ട്രൈബൽ കോളജിനു സമീപത്താണ് അപകടം. മുരിക്കാശ്ശേരി സ്വദേശികളുടെ ലോറിയാണ് അപകടത്തിൽ പെട്ടത്.

രാമപുരത്തുനിന്നും പന്തൽ കെട്ടുന്ന ജോലി കഴിഞ്ഞുമടങ്ങിയ വാഹനമാണ് തീപിടിച്ചത്. അപകടകാരണം വ്യക്തമല്ല. കുളമാവ് എസ്ഐ കെ.എ.നസീറിന്റെയും മൂലമറ്റം ഫയർഫോഴ്സിന്റെയും നേതൃത്വത്തിലുള്ള സംഘമെത്തിയാണ് തീയണച്ചത് .