തൃശൂർ;വാഹനാപകടത്തില് പരിക്കേറ്റ് ശരീരം പൂര്ണമായും തളര്ന്ന പ്രണവ് ഷഹാന മരിച്ചു. സമൂഹമാധ്യമങ്ങളില് ശ്രദ്ധനേടിയ തൃശ്ശൂര് കണ്ണിക്കര സ്വദേശിയാണ് പ്രണവ്.
വെള്ളിയാഴ്ച രാവിലെ രക്തം ഛര്ദ്ദിച്ചതിനെ തുടര്ന്ന് അവശനാവുകയായിരുന്നു. ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല.പ്രണവ് ഷഹാന എന്ന പേരിലാണ് ഇദ്ദേഹം സമൂഹമാധ്യമങ്ങളില് അറിയപ്പെട്ടിരുന്നത്. 2020 മാര്ച്ച് 3 നാണ് പ്രണവ് തിരുവന്തപുരം സ്വദേശിയായ ഷഹാനയെ ജീവിത സഖിയാക്കുന്നത്.
സമൂഹമാധ്യമത്തിലൂടെയുള്ള പരിചയം വിവാഹത്തിലെത്തുകയായിരുന്നു. ഒട്ടേറെ എതിര്പ്പുകള് മറികടന്നാണ് ഷഹാന പ്രണവിന്റെ ജീവിതത്തിലെത്തിയത്.അപകടത്തില് ശരീരം തളര്ന്നിരുന്ന പ്രണവിന് തുണയായി ഷഹാന എന്ന പെണ്കുട്ടി ജീവിതത്തിലേയ്ക്ക് കടന്ന് വന്നിട്ട് കുറച്ച് വര്ഷങ്ങളെ ആവുന്നുള്ളു. ഇരുവരുടെയും വീഡിയോകള്ക്കും പോസ്റ്റുകള്ക്കും സോഷ്യല് മീഡിയയിലൂടെ നിരവധി പേര് ഫോളോ ചെയ്യുന്നുണ്ടായിരുന്നു.
വര്ഷങ്ങള്ക്ക് മുന്പ് വാഹനാപകടത്തില് പരിക്കേറ്റ് ശരീരം മുഴുവന് തളര്ന്ന പ്രണവ് സമാനമായ അവസ്ഥയിലൂടെ കടന്നുപോകുന്ന ഒട്ടേറെ പേര്ക്ക് പ്രചോദനമായിരുന്നു. റോഡ് സുരക്ഷയുമായി ബന്ധപ്പെട്ട ബോധവല്ക്കരണ പരിപാടികളില് സജീവമായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.