മനില : മധ്യ ഫിലിപ്പീന്സിലെ മാസ്ബേറ്റ് പ്രവിശ്യയില് വന് ഭൂകമ്പം. റിക്ടര് സ്കെയിലില് 6.1 രേഖപ്പെടുത്തിയ ഭൂകമ്പത്തില് ആര്ക്കും പരിക്കുകളില്ലെന്നാണ് റിപ്പോര്ട്ട്. ചൊവ്വാഴ്ച പുലര്ച്ചെ പ്രാദേശിക സമയം രണ്ടോടെയായിരുന്നു ഭൂകമ്പം.
മാസ്ബേറ്റിലെ മിയാഗയില് നിന്ന് 11 കിലോമീറ്റര് അകലെയാണ് ഭൂചലനത്തിന്റെ പ്രഭവകേന്ദ്രമെന്ന് യുഎസ്ജിഎസ് അറിയിച്ചു. വന് ഭൂചലനമാണ് ഉണ്ടായതെങ്കിലും സുനാമി മുന്നറിയിപ്പ് നല്കിയിട്ടില്ല. നാശനഷ്ടങ്ങളോ ആളപായമോ ഉണ്ടായതായി ഇതുവരെ റിപ്പോര്ട്ടില്ല.
ശക്തമായ കുലുക്കമാണ് അനുഭവപ്പെട്ടതെന്ന് ഉസണ് പോലീസ് മേധാവി ക്യാപ്റ്റന് റെഡന് ടോലെഡോ പറഞ്ഞു. പരിഭ്രാന്തരായ ജനങ്ങള് വീടുകളില് നിന്നും ഇറങ്ങിയോടി. വീടുകളില് തിരികെ പ്രവേശിക്കാനാവാതെ ഭയന്ന് വഴിയരികിലാണ് ഇപ്പോഴും ജനങ്ങള്.
ഭൂകമ്പത്തിന് ഏകദേശം ഒരു മണിക്കൂറിന് ശേഷം ശക്തമായ തുടര്ചലനം അനുഭവപ്പെട്ടതായി പ്രാദേശിക ദുരന്ത നിവാരണ ഉദ്യോഗസ്ഥന് പറഞ്ഞു. എന്നാല് പ്രദേശത്തെ കെട്ടിടങ്ങള്ക്കും മറ്റ് കെട്ടിടങ്ങള്ക്കും കേടുപാടുകള് സംഭവിച്ചതായി കാണുന്നില്ലെന്നും ദുരന്ത നിവാരണ ഉദ്യോഗസ്ഥന് കൂട്ടിച്ചേര്ത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.