ആവളയിൽ സ്ക്കൂൾ ബസ് അപകടത്തിൽപ്പെട്ടു; പന്ത്രണ്ടോളം വിദ്യാർത്ഥികൾക്കും ബസ് ഡ്രൈവർക്കും പരിക്ക്

പേരാമ്പ്ര;ആവളയിൽ സ്ക്കൂൾ ബസ് അപകടത്തിൽപ്പെട്ടു; പന്ത്രണ്ടോളം വിദ്യാർത്ഥികൾക്കും ബസ് ഡ്രൈവർക്കും പരിക്ക് ആവള കുട്ടോത്ത് ഗവൺമെന്റ് ഹയർ സെക്കന്ററി സ്ക്കൂൾ ബസ്സാണ് അപകടത്തിൽ പെട്ടത്.നിയന്ത്രണം വിട്ട ബസ് സമീപത്തെ പോസ്റ്റിൽ ഇടിച്ചു നിൽക്കുകയായിരുന്നു. അതിനാൽ വൻദുരന്തം ഒഴിവായി. 

ഇന്ന് രാവിലെയാണ് അപകടം ഉണ്ടായത്.അപകടത്തിൽ 12 ഓളം വിദ്യാർത്ഥികൾക്കും ബസ് ഡ്രൈവർക്കും പരിക്കുപറ്റി. ഇവരെ തന്നെ ഉടൻ കല്ലോട് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം,