തിരുവനന്തപുരം: കോവിഡ് കാലത്ത് പിപിഇ കിറ്റ് വാങ്ങിയതിൽ വൻ അഴിമതി നടന്നുവെന്ന പരാതിയിൽ ലോകായുക്ത അന്വേഷണത്തിന് ഉത്തരവ്. ഒരു മാസത്തിനകം നോട്ടീസിന് മറുപടി നൽകണം.
യൂത്ത് കോണ്ഗ്രസ് നേതാവ് വീണ എസ് നായരുടെ പരാതിയിലാണ് നടപടി. 450 രൂപയില് ലഭിച്ചിരുന്ന പിപിഇ കിറ്റ് കെഎംഎസ്സിഎല് മറ്റൊരു കമ്പനിയില് നിന്ന് 1550 രൂപയ്ക്ക് വാങ്ങിയത് വന് അഴിമതിയാണെന്നാണ് പരാതിയില് ആരോപിക്കുന്നത്.
ലോകായുക്ത പ്രാഥമിക അന്വേഷണം നടത്തിയതിന് ശേഷമാണ് അന്വേഷണത്തിന് ഉത്തരവിട്ടത്. മുൻ ആരോഗ്യമന്ത്രി കെ കെ ശൈലജ, കെഎംസിഎൽ ജനറൽ മാനേജർ ഡോക്ടർ ദിലീപ് അടക്കമുള്ളവർക്ക് കോടതി നോട്ടീസ് അയച്ചു. കോവിഡ് കാലത്ത് നിലവിലുള്ളതിലും മൂന്നിരട്ടി തുകയ്ക്ക് പിപിഇ കിറ്റ് വാങ്ങിയെന്നാണ് ആരോപണം. കോവിഡ് വ്യാപനത്തിന്റെ ആദ്യഘട്ടത്തില് പിപിഇ കിറ്റ് വാങ്ങിയതില് അഴിമതിയുണ്ടെന്നാണ് ആരോപണം.
മഹാരാഷ്ട്ര സണ്ഫാര്മ എന്ന കമ്പനിയ്ക്കാണ് കെഎംഎസ്സിഎല് ഓര്ഡര് നല്കിയത്. നേരത്തെ നിപ്പ കാലത്ത് ഒരു പിപിഇ കിറ്റ് ഇവര് 550 രൂപയ്ക്കാണ് കെറോണ് എന്ന കമ്പനി നല്കിയിരുന്നത്. അതേവിലയ്ക്ക് തന്നെ കോവിഡ് കാലത്ത് പിപിഇ കിറ്റ് നല്കാമെന്ന് കമ്പനി അറിയിച്ചിട്ടും മനഃപൂര്വം കെറോണിന് കരാര് നല്കാതെ സണ്ഫാര്മക്ക് നല്കുകയായിരുന്നെന്നും പരാതിയില് പറയുന്നു
450 രൂപയുടെ പിപിഇ കിറ്റ് 1500 രൂപയ്ക്കാണ് വാങ്ങിയതെന്ന തരത്തില് നേരത്തെ തന്നെ വാര്ത്തകള് വന്നിരുന്നു. ഈ ആരോപണങ്ങള് ചൂണ്ടിക്കാട്ടിയാണ് വീണ ലോകായുക്തയില് ഹര്ജി സമര്പ്പിച്ചത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.