പ്രധാനമന്ത്രി നരേന്ദ്ര മോദിയെ കണ്ടപ്പോൾ പി ടി ഉഷയുടെ ആദ്യ അഭ്യർത്ഥന എയിംസ് എന്ന കേരളത്തിന്റെ ആഗ്രഹം സാധിച്ചു തരണം എന്നായിരുന്നു.

ചടങ്ങിന് ശേഷം പാർലമെന്റിൽ പ്രധാനമന്ത്രിയുമായുള്ള കൂടിക്കാഴ്ചയിൽ ഉഷ മുന്നോട്ടുവച്ച ആദ്യ അഭ്യർത്ഥന, സംസ്ഥാനത്തിന്റെ ദീർഘകാലമായുള്ള ആഗ്രഹമായ കേരളത്തിൽ എയിംസ് വേണമെന്നായിരുന്നു. ബാലുശ്ശേരിയിലെ കിനാലൂരിലെ എയിംസ് ഉടൻ യാഥാർത്ഥ്യമാകണമെന്ന് അവർ അഭ്യർത്ഥിച്ചു. ഇക്കാര്യം ഓർമ്മിപ്പിക്കാൻ പ്രധാനമന്ത്രി സഹമന്ത്രി വി മുരളീധരന് നിർദ്ദേശം നൽകി.

ഭർത്താവ് വി ശ്രീനിവാസനും മകൻ വിഘ്നേഷ് ഉജ്ജ്വലും ഉഷയ്‌ക്കൊപ്പമുണ്ടായിരുന്നു. ഉപരാഷ്ട്രപതിയും രാജ്യസഭാ ചെയർമാനുമായ എം വെങ്കയ്യ നായിഡുവുമായും അവർ കൂടിക്കാഴ്ച നടത്തി.