കേന്ദ്ര മാര്ഗനിര്ദേശം കേരളത്തിൽ എല്ലാ യാത്രക്കാര്ക്കും 7 ദിവസം നിര്ബന്ധിത ഹോം ക്വാറന്റൈന്
കേരളത്തിൽ 280 പേര്ക്കാണ് ഇതുവരെ ഒമൈക്രോണ് സ്ഥിരീകരിച്ചത്.ലോ റിസ്ക് രാജ്യങ്ങളില് നിന്നും വന്നവര്ക്കാണ് ഏറ്റവും കൂടുതല് ഒമൈക്രോണ് ബാധിച്ചത്. ലോ റിസ്ക് രാജ്യങ്ങളില് നിന്നും വന്ന 186 പേര്ക്കും ഹൈ റിസ്ക് രാജ്യങ്ങളില് നിന്നും വന്ന 64 പേര്ക്കുമാണ് ഒമൈക്രോണ് ബാധിച്ചത്. 30 പേര്ക്കാണ് സമ്പര്ക്കത്തിലൂടെ രോഗമുണ്ടായത്. ലോ റിസ്ക് രാജ്യങ്ങളില് വരുന്നവര്ക്ക് നേരത്തെ സ്വയം നിരീക്ഷണമാണ് അനുവദിച്ചിരുന്നത്.
ലോ റിസ്ക് രാജ്യങ്ങളില് നിന്നും വരുന്നവരില് കൂടുതല് പേര്ക്ക രോഗം ഒമൈക്രോണ് സ്ഥിരീകരിച്ചതിനാല് അവര്ക്കും ഹോം ക്വാറന്റൈന് വേണമെന്ന് കേരളം ആവശ്യപ്പെട്ടതനുസരിച്ചാണ് ഇപ്പോൾ കേന്ദ്ര നിർദ്ദേശം.കേന്ദ്ര മാര്ഗനിര്ദേശ പ്രകാരം ഹോം ക്വാറന്റൈന് വ്യവസ്ഥകള് കര്ശനമാക്കുമെന്നും മന്ത്രി വ്യക്തമാക്കി. അതിൻ പ്രകാരം വിദേശ രാജ്യങ്ങളില് നിന്നും സംസ്ഥാനത്തെത്തുന്ന എല്ലാ യാത്രക്കാര്ക്കും 7 ദിവസം നിര്ബന്ധിത ഹോം ക്വാറന്റൈന് ഏര്പ്പെടുത്തുമെന്ന് ആരോഗ്യമന്ത്രി വീണാ ജോര്ജ്. എട്ടാം ദിവസം ആര്ടിപിസിആര് പരിശോധന നടത്തുമെന്നും മന്ത്രി അറിയിച്ചു. ക്വാറന്റൈന് സമയത്തോ സ്വയം നിരീക്ഷണ സമയത്തോ ഏതെങ്കിലും തരത്തിലുള്ള ലക്ഷണങ്ങള് ഉണ്ടായാലോ കോവിഡ് പോസിറ്റീവായാലോ ആവര്ത്തിച്ചുള്ള പരിശോധന നടത്തുമെന്നും ആരോഗ്യ മന്ത്രി വ്യക്തമാക്കി.
വിമാനത്താവളത്തില് വന്നിറങ്ങുന്ന യാത്രക്കാരെ 2 തരത്തിൽ തിരിച്ചാണ് പരിശോധന നടത്തുക. ഹൈ റിസ്ക്, ലോ റിസ്ക് രാജ്യങ്ങളില് നിന്നും വരുന്നവര് എന്നിങ്ങനെ തിരിച്ചാണ് ആര്ടിപിസിആര് പരിശോധന നടത്തുന്നത്.
ഹൈ റിസ്ക് രാജ്യങ്ങളില് നിന്നും വരുന്ന എല്ലാവര്ക്കും ആര്ടിപിസിആര് പരിശോധന നടത്തും. നെഗറ്റീവായാല് 7 ദിവസം ഹോം ക്വാറന്റൈനും എട്ടാമത്തെ ദിവസം ആര്ടിപിസിആര് പരിശോധനയും നടത്തണം. നെഗറ്റീവായാല് വീണ്ടും 7 ദിവസം സ്വയം നിരീക്ഷണത്തില് തുടരണം. കോവിഡ് പോസിറ്റീവാകുന്നവരുടെ സാമ്പിളുകള് ജനിതക പരിശോധനയ്ക്ക് അയയ്ക്കുന്നതാണ്. ഇവരെ ഐസൊലേഷനില് പ്രവേശിപ്പിക്കും. സ്റ്റാന്ഡേര്ഡ് പ്രോട്ടോകോള് അനുസരിച്ച് ചികിത്സ നല്കുകയും ചികിത്സിക്കുന്ന ഡോക്ടറുടെ നിര്ദേശപ്രകാരം ഡിസ്ചാര്ജ് ചെയ്യുകയും ചെയ്യും.
ലോ റിസ്ക് രാജ്യങ്ങളില് നിന്നും വരുന്നവരില് 2 ശതമാനം പേരുടെ സാമ്പിളുകള് റാണ്ടം പരിശോധന നടത്താനാണ് കേന്ദ്രത്തിന്റെ മാര്ഗനിര്ദേശം. എന്നാല് കേരളത്തിൽ 20 ശതമാനം പേരുടെ സാമ്പിളുകള് റാണ്ടം പരിശോധന നടത്തും. നെഗറ്റീവാകുന്നവര് 7 ദിവസം ഹോം ക്വാറന്റൈനില് കഴിയണം. എട്ടാമത്തെ ദിവസം ആര്ടിപിസിആര് പരിശോധന നടത്തണം. നെഗറ്റീവായാല് ഇവരും വീണ്ടും 7 ദിവസം സ്വയം നിരീക്ഷണത്തില് കഴിയണം. പോസിറ്റീവാകുന്നവരുടെ സാമ്പിളുകള് ജനിതക പരിശോധനയ്ക്ക് അയയ്ക്കുന്നു. ഇവര്ക്ക് സ്റ്റാന്ഡേര്ഡ് പ്രോട്ടോകോള് അനുസരിച്ച് ചികിത്സ നല്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.