ഡിസംബർ 12, കുവൈത്തിൽ കോവിഡ് രോഗ ബാധയുമായി ബന്ധപ്പെട്ട പ്രതിദിന കണക്കിൽ കഴിഞ്ഞ ഒരു മാസത്തിനിടയിൽ ഉണ്ടായത് വൻ വ്യത്യാസം.
പ്രതിദിന രോഗ ബാധിതരുടെ എണ്ണം, സജീവ രോഗികളുടെ എണ്ണം, ടെസ്റ്റ് പോസിറ്റിവിറ്റി നിരക്ക് മുതലായ കണക്കുകളിലാണു കഴിഞ്ഞ ഒരു മാസത്തിനിടയിൽ ഏകദേശം 58 മുതൽ 125 ഇരട്ടിയോളം വർദ്ധനവ് രേഖപ്പെടുത്തിയിരിക്കുന്നത്.
കഴിഞ്ഞ മാസം ഡിസംബർ 11 നു പ്രതി ദിന രോഗ ബാധിതരുടെ എണ്ണം 35 ആയിരുന്നു. എന്നാൽ കൃത്യം ഒരു മാസത്തിനുള്ളിൽ ഇന്നലെ അത് 4397 ആയി ഉയർന്നു. അതായത് 125 ഇരട്ടിയിൽ അധികം വർദ്ധനവ്. കഴിഞ്ഞ ഡിസംബർ 11 നു സജീവ രോഗികളുടെ എണ്ണം വെറും 342 ആയിരുന്നുവെങ്കിൽ ഇന്നലെ അത് 72 ഇരട്ടിയിൽ അധികം വർദ്ധിച്ച് 24659 ആയി ഉയർന്നു. പ്രതിദിന ടെസ്റ്റ് പോസിറ്റിവിറ്റി നിരക്കിൽ ഒരു മാസത്തിനകം 58 ഇരട്ടിയാണു വർദ്ധനവ് ഉണ്ടായത്.കഴിഞ്ഞ ഡിസംബർ 11 നു പ്രതിദിന ടെസ്റ്റ് പോസിറ്റിവിറ്റി നിരക്ക് 0.2 % ആയിരുന്നു. ഈ മാസം 11 നു അത് 11.7 % ശതമാനമായി വർദ്ധിച്ചു.കഴിഞ്ഞ ഒരു മാസത്തിനിടയിൽ ആകെ 28327 പേർ രോഗ ബാധിതരായി.
എന്നാൽ ഏഴു പേർ മാത്രമാണു ഈ കാലയളവിൽ കോവിഡ് ബാധയെ തുടർന്ന് മരണമടഞ്ഞത് എന്നതും തീവ്ര പരിചരണ രോഗികളുടെ എണ്ണത്തിൽ നാമമാത്ര വർദ്ധനവ് മാത്രമാണു ഉണ്ടായിരിക്കുന്നത് എന്നതും രാജ്യത്തെ ആരോഗ്യ സാഹചര്യം തൃപ്തികരമാണെന്ന സൂചനയാണു നൽകുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.