യുകെ , കേറ്ററിംഗ് മലയാളി പ്രിന്സി റോമിയുടെ സംസ്ക്കാര ശുശ്രുഷകൾ ഇന്ന് നടന്നു. സീറോ മലബാര് രൂപത അധ്യക്ഷന് മാര് ജോസഫ് സ്രാമ്പിക്കല് അടക്കമുള്ളവര് ചേര്ന്നാണ് പ്രാര്ത്ഥന ചടങ്ങുകള്ക്ക് നേതൃത്വം നല്കി.
അന്ത്യാഞ്ജലി അര്പ്പിക്കാന് ഇന്നലെ ചൊവ്വാഴ്ച വൈകീട്ട് ആറു മണി മുതല് 9.30 വരെ പ്രിന്സിയുടെ ഭൗതികശരീരം സെന്റ് എഡ്വേര്ഡ് പള്ളിയില് പൊതുദര്ശനത്തിനു വച്ചിരുന്നു. വിവിധ വൈദികരുടെ സാന്നിധ്യത്തില് പ്രാര്ത്ഥനയും 7 മണിക്ക് പള്ളിയില് നടന്ന അനുശോചന യോഗത്തില് സെന്റ് ഫൗസ്റ്റീന മിഷന് വികാരി ഫാ. എബിന് നേതൃത്വം നല്കുകയും ചെയ്തു. വിവിധ സംഘടനാ പ്രതിനിധികളും കൂട്ടുകാരും വീട്ടുകാരും അന്തിമോപചാരം അർപ്പിച്ചു. പ്രിന്സിക്ക് വേണ്ടി കെറ്ററിങ്ങിലെ മുഴുവന് മലയാളികളും പ്രാര്ത്ഥനയോടെ സംസ്കാര ശുശ്രൂഷകളില് പങ്കെടുത്തു .
ബുധനാഴ്ച രാവിലെ 7.30ന് ഫാ. എബിന് നേതൃത്വത്തിൽ മരണാനന്തര ചടങ്ങുകള് നടത്തി. അതില് ഗ്രേറ്റ് ബ്രിട്ടന് രൂപത മെത്രാന് മാര് ജോസഫ് സ്രാമ്പിക്കല് പിതാവും മറ്റു വൈദീകരും ആത്മായ ശ്രേഷ്ഠരും പങ്കെടുത്തു. വാരന്ഹില് ക്രിമറ്റോറിയത്തിലെ സിമിത്തേരിയില് സംസ്കാരചടങ്ങുകള് നടന്നു. പ്രിന്സിയുടെ ഭര്ത്താവ് റോമിയും സുഹൃത്തുക്കളും എല്ലാവരും സങ്കടമൊതുക്കി വികാരഭരിതമായ വിട വാങ്ങല് നല്കി അന്തിമ യാത്ര പൂര്ത്തിയാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.