ഭോപ്പാല്‍: മധ്യപ്രദേശിലെ ദിൻഡോറി ജില്ലയില്‍ മധുരപലഹാരമെന്നു പറഞ്ഞ് അയല്‍വാസി നല്‍കിയ ബോംബ് കടിച്ച യുവാവ് മരിച്ചു. രാജേന്ദ്ര ബറോട്ടിയ (35) ആണ് കൊല്ലപ്പെട്ടത്.
മുറിക്കുള്ളില്‍ ഇരുട്ടായിരുന്നതിനാല്‍ പലഹാരം എന്താണെന്ന് കൃത്യമായി തിരിച്ചറിയാൻ രാജേന്ദ്രയ്ക്ക് സാധിച്ചില്ല. എന്നാല്‍, ഇത് വായിലിട്ട് കടിച്ചയുടൻ തന്നെ സ്ഫോടനമുണ്ടാകുകയായിരുന്നു. മൃഗങ്ങളെ വേട്ടയാടാനും കൊല്ലാനും ഉപയോഗിക്കുന്നതരം മാരകമായ സ്ഫോടകവസ്തുവാണ് ഇയാള്‍ നല്‍കിയതെന്ന് രാജേന്ദ്രയുടെ ഭാര്യ സുശീല ബായി പറഞ്ഞു. ഗുരുതരമായി പരിക്കേറ്റ രാജേന്ദ്രയെ ഉടൻതന്നെ അയല്‍വാസികളുടെ സഹായത്തോടെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.
സംഭവത്തെ തുടർന്ന് പൊലിസ് ഉടൻതന്നെ അന്വേഷണം ആരംഭിക്കുകയും രാം ഭഗത് ഉള്‍പ്പെടെ രണ്ടുപേരെ അറസ്റ്റ് ചെയ്യുകയും ചെയ്തു. ഒരാണ്‍കുട്ടിയാണ് ഈ വസ്തു തന്നതെന്നാണ് രാം ഭഗത് പൊലിസിന് നല്‍കിയിട്ടുള്ള മൊഴി. സംഭവത്തില്‍ ഉള്‍പ്പെട്ട ആണ്‍കുട്ടിയെയും പൊലിസ് കസ്റ്റഡിയിലെടുത്ത് ചോദ്യം ചെയ്തു വരികയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.