ന്യൂഡൽഹി: ദീപാവലി ആഘോഷത്തിനൊരുങ്ങി രാജ്യം. തെരുവുകളും വീടുകളും വർണവിളക്കുകളാലും മണ്‍ചരാതുകളാലും അലംകൃതമാകും.
2014ല്‍ പ്രധാനമന്ത്രിയായത് മുതല്‍ സൈനികർക്കൊപ്പം വിവിധ മേഖലകളില്‍ ദീപാവലി ആഘോഷിക്കുന്ന നരേന്ദ്ര മോദി, കഴിഞ്ഞ വർഷം ഐഎൻഎസ് വിക്രാന്തില്‍ ഗോവ കാർവാർ തീരത്തായിരുന്നു ആഘോഷിച്ചിരുന്നത്. അതിനു മുമ്പ്, ഗുജറാത്തിലെ കച്ചിലും 2023ല്‍ ഹിമാചല്‍ പ്രദേശിലെ ലെപ്ചയിലുമായിരുന്നു മോദിയുടെ ദീപാവലി ആഘോഷം.
ഇന്നലെ വൈകുന്നേരം അയോധ്യ ദീപപ്രഭയില്‍ തിളങ്ങി.
ദീപോത്സവത്തില്‍ സരയൂ നദിക്കരയിലെ 56 ഘാട്ടുകളിലായി 30 ലക്ഷത്തോളം ദീപങ്ങളാണ് ഇത്തവണ തെളിച്ചത്. ഉപരാഷ്ട്രപതി സി പി രാധാകൃഷ്ണൻ ചടങ്ങില്‍ മുഖ്യാതിഥിയായി. മുഖ്യമന്ത്രി യോഗി ആദിത്യനാഥും ചടങ്ങില്‍ പങ്കെടുത്തു.
2,500 ഡ്രോണുകള്‍ ഉപയോഗിച്ചുള്ള രാമായണത്തിലെ ഭാഗങ്ങള്‍ അവതരിപ്പിക്കുന്ന ഡ്രോണ്‍ ഷോയും നടന്നു. മുഖ്യമന്ത്രി യോഗി ആദിത്യനാഥിന്റെ നേതൃത്വത്തിലുള്ള ഭരണം അയോധ്യയിലും ഉത്തർ പ്രദേശിലെമ്പാടും സുരക്ഷ ഉറപ്പാക്കിയെന്ന് ഉപരാഷ്ട്രപതി പുകഴ്ത്തി. വിദേശത്തുനിന്നുള്ള കലാകാരന്മാർ അടക്കം പങ്കെടുത്ത പരിപാടികളും ചടങ്ങില്‍ നടന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.