ചെങ്ങന്നൂർ: ഓടിക്കൊണ്ടിരിക്കുന്ന ട്രെയിനിന് നേരെ കല്ലെറിഞ്ഞ സംഭവത്തില്‍ മൂന്ന് കൗമാരക്കാരെ റെയില്‍വെ സംരക്ഷണ സേന പിടികൂടി.
ജനറല്‍ കോച്ചിന്റെ ഗ്ലാസ് കല്ലേറില്‍ തകർന്നു. വനിതാ ഗാർഡിന്റെ തൊട്ടടുത്താണ് കല്ല് വീണതെങ്കിലും ആർക്കും പരിക്കേറ്റില്ല. തുടർന്ന് ട്രെയിൻ ചങ്ങനാശേരി സ്റ്റേഷനില്‍ നിർത്തി സ്റ്റേഷൻ മാസ്റ്ററെ വിവരം അറിയിച്ചതിന് ശേഷമാണ് യാത്ര തുടർന്നത്.
സംഭവത്തിന് പിന്നാലെ ആർപിഎഫും ചിങ്ങവനം പൊലീസും സ്ഥലത്തെത്തി അന്വേഷണം നടത്തിയാണ് കല്ലെറിഞ്ഞവരെ തിരിച്ചറിഞ്ഞത്. തുടർന്ന് മൂന്ന് പേരും രക്ഷിതാക്കള്‍ക്കൊപ്പം ആർപിഎഫ് സ്റ്റേഷനില്‍ ഹാജരായി.
ഇവരെ കോട്ടയം ജുവനൈല്‍ ജസ്റ്റിസ് ബോർഡിന് മുന്നില്‍ ഹാജരാക്കിയ ശേഷം ജാമ്യത്തില്‍ രക്ഷിതാക്കള്‍ക്കൊപ്പം വിട്ടു. റെയില്‍വെ ആക്‌ട് പ്രകാരമുള്ള നിയമനടപടികള്‍ ഇവർക്കെതിരെ തുടരുമെന്ന് ചെങ്ങന്നൂർ ആർപിഎഫ് അറിയിച്ചു. കൗതുകത്തിനാണ് കല്ലെറിഞ്ഞതെന്നാണ് ഇവർ നല്‍കിയ മറുപടിയെന്ന് അധികൃതർ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.