തിരുവനന്തപുരം: കോണ്‍ഗ്രസിനെ നാണംകെടുത്തിയ ചിറയന്‍കീഴ് കൈയാങ്കളി വിവാദത്തില്‍ സസ്‌പെന്‍ഷനിലായ കെപിസിസി അംഗം പാളയം പ്രദീപിനെയും ചിറയിന്‍കീഴ് ബ്ലോക്ക് ജനറല്‍ സെക്രട്ടറി എസ് സജാദിനെയും കോണ്‍ഗ്രസ് തിരിച്ചെടുത്തു.
വിവാദത്തിൻറെ തുടക്കത്തിൽ രമ്യ ഹരിദാസിനെ പരമാവധി സംരക്ഷിച്ച് സമവായത്തിനാണ് കെപിസിസി ശ്രമിച്ചത്. എംഎല്‍എയ്‌ക്കെതിരെ വ്യാപകമായി പരാതി ഉയര്‍ന്നിട്ടും നടപടി വേണ്ടെന്ന് തീരുമാനിച്ച് കെപിസിസി പ്രശ്‌നം ഒതുക്കിത്തീര്‍ക്കുകയായിരുന്നു.
രമ്യ ഹരിദാസിനെതിരെ പ്രദേശികമായി ഉയര്‍ന്ന എതിര്‍പ്പുകള്‍ തണുപ്പിക്കാനായി പാളയം പ്രദീപിനെ സ്റ്റാഫാക്കരുതെന്ന നിര്‍ദ്ദേശവും കെപിസിസി രമ്യയ്ക്ക് നല്‍കി.
പക്ഷേ, സംസ്ഥാന-പ്രാദേശിക നേതൃത്വത്തെ ഒരുപോലെ വെല്ലുവിളിച്ചും സമവായം പൊളിച്ചുമാണ് സംഭവത്തില്‍ രമ്യയുടെ നീക്കമുണ്ടായത്. പാര്‍ട്ടി സസ്‌പെന്റ് ചെയ്ത പാളയം പ്രദീപിനെ മുന്‍കാല പ്രാബല്യത്തോടെ അഡീഷണല്‍ സ്റ്റാഫാക്കണമെന്നാവശ്യപ്പെട്ട് കത്ത് നല്‍കുകയായിരുന്നു എംഎല്‍എ.
സ്പീക്കറുടെ ഓഫീസില്‍ ആദ്യം സമര്‍പ്പിച്ച കത്ത്, നിയമസഭാ സെക്രട്ടറിക്ക് നല്‍കാനാവശ്യപ്പെട്ട് സ്പീക്കര്‍ മടക്കി. സെക്രട്ടറി അവധിയായതിനാല്‍ കത്ത് ഓഫീസിലേല്‍പ്പിച്ചു. വിവാദമായതോടെ കത്ത് തിരിച്ചെടുക്കാന്‍ ഓഫീസ് ആവശ്യപ്പെട്ടു.
പാളയം പ്രദീപ് നേരത്തെ തന്റെ സ്റ്റാഫാണെന്ന രമ്യയുടെയും പ്രദീപിന്റെയും വാദങ്ങളും ഇതിനിടെ പൊളിഞ്ഞു. ഒടുവില്‍, കെപിസിസി നേതൃത്വം സ്വരം കടുപ്പിച്ചതോടെ പാര്‍ട്ടിക്ക് മുന്നില്‍ രമ്യക്ക് വഴങ്ങേണ്ടി വന്നു. സംഭവത്തില്‍ എംഎല്‍എയ്ക്ക് വീഴ്ച്ചയുണ്ടായെന്ന് കെപിസിസി യോഗത്തില്‍ നേതാക്കളും വിമര്‍ശനം ഉന്നയിച്ചു.
ചിറയിന്‍കീഴില്‍ കോണ്‍ഗ്രസ് നേതാവിന്റെ വീട്ടില്‍ വച്ചാണ് രമ്യ ഹരിദാസും പ്രാദേശിക നേതാക്കളും തമ്മില്‍ കൈയ്യാങ്കളി ഉണ്ടായത്. പിന്നാലെ നടന്ന തദ്ദേശ ഉപതെരഞ്ഞെടുപ്പില്‍ മണ്ഡലത്തില്‍ രണ്ടിടത്ത് കോണ്‍ഗ്രസ് തോറ്റിരുന്നു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.