പത്തനംതിട്ട: ശബരിമലയിലെ എല്ലാ രംഗത്തും സൂക്ഷ്മ നിരീക്ഷണം നടത്തണമെന്ന് പൊലീസുകാർ ഉള്പ്പെടെയുള്ള എല്ലാ ഉദ്യോഗസ്ഥർക്കും നിർദേശം നല്കി ദേവസ്വം മന്ത്രി കെ മുരളീധരൻ
പത്തനംതിട്ടയില് അഖിലഭാരത അയ്യപ്പസേവാ സംഘത്തിന്റെ അന്നദാന ഉദ്ഘാടനം നിർവഹിച്ച ശേഷം സംസാരിക്കുകയായിരുന്നു അദ്ദേഹം. എല്ലാ കാര്യങ്ങളും മോണിറ്റർ ചെയ്യുന്നുണ്ട്. എല്ലാവരുടെയും പിന്തുണയും അനുഗ്രഹവും ഉണ്ടെങ്കില് മണ്ഡലകാലം വളരെ ഭംഗിയായി നടത്താൻ നമുക്ക് കഴിയും. ഭക്ഷണത്തില്പ്പോലും മായം ചേർക്കാൻ തയ്യാറാകുന്ന ചില ശക്തികളുണ്ട്.അന്നദാനം നടക്കുന്ന സ്ഥലത്ത് പോയി വല്ല എലിയെയും കൊണ്ടിട്ടാല് എന്ത് ചെയ്യും? അതൊക്കെ പരിശോധിക്കാൻ പറഞ്ഞിട്ടുണ്ട്. ചെറുതായി സംഭവിക്കാനിടയുള്ള പാളിച്ചകള്പോലും സംഭവിക്കാതിരിക്കാനുള്ള മുൻകരുതല് സർക്കാർ സ്വീകരിച്ചിട്ടുണ്ട്' - കെ മുരളീധരൻ പറഞ്ഞു.
അതേസമയം, ശബരിമല മണ്ഡല - മകരവിളക്ക്കാല മഹോത്സവത്തിന്റെ ഭാഗമായി വിവര പൊതുജന സമ്പർക്ക വകുപ്പ് സന്നിധാനത്ത് ആരംഭിച്ച മീഡിയ സെന്ററിന്റെ ഉദ്ഘാടനവും മന്ത്രി കെ മുരളീധരൻ നിർവഹിച്ചു.
മണ്ഡലകാലത്ത് വാർത്തകളുടെയും മാദ്ധ്യമങ്ങളുടെയും ഏകോപനവും നിർവഹിക്കുന്നതിനായി ഉദ്യോഗസ്ഥരുടെ സേവനം മീഡിയ സെന്ററില് ലഭ്യമാണ്. ശബരിമല എഡിഎം ദിലീപ് കെ കൈനക്കര, പിആർഡി ഇൻഫർമേഷൻ ഓഫീസർ കെ എസ് സുമേഷ് തുടങ്ങിയവർ ചടങ്ങില് പങ്കെടുത്തു.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.