ടോക്കിയോ: ഇറാൻ സംഘർഷത്തിലും റഷ്യ–യുക്രെയ്ൻ യുദ്ധത്തിലും നയതന്ത്രപരമായ പുരോഗതിയുണ്ടാകുമെന്ന പ്രതീക്ഷ ശക്തമായതോടെ വ്യാഴാഴ്ച ആഗോള എണ്ണവില കുറഞ്ഞു. ബ്രെന്റ് ക്രൂഡ് വില ബാരലിന് 1.14 ഡോളർ കുറഞ്ഞ് 91.62 ഡോളറിലെത്തി. അമേരിക്കൻ വെസ്റ്റ് ടെക്സസ് ഇന്റർമീഡിയറ്റ് വില 1.04 ഡോളർ കുറഞ്ഞ് 85.49 ഡോളറായും രേഖപ്പെടുത്തി.
അബുദാബിയിൽ നടന്ന റഷ്യ–യുക്രെയ്ൻ ചർച്ചയിൽ തടവുകാരെ കൈമാറാൻ ധാരണയായതും ഇറാൻ സംഘർഷം കൂടുതൽ രൂക്ഷമാകില്ലെന്ന വിപണി പ്രതീക്ഷയുമാണ് വിലയിടിവിന് കാരണമായത്. എന്നാൽ ഹോർമുസ് കടലിടുക്കിലെ കപ്പൽഗതാഗതത്തെക്കുറിച്ചുള്ള അനിശ്ചിതത്വം തുടരുകയാണ്.
എണ്ണവിതരണത്തെ ബാധിക്കുന്ന സാഹചര്യം പൂർണമായി മാറിയിട്ടില്ലാത്തതിനാൽ വിലയിൽ വലിയ ഇടിവ് ഉടൻ ഉണ്ടാകുമെന്ന് ഉറപ്പില്ലെന്ന് വിപണി നിരീക്ഷകർ വിലയിരുത്തുന്നു. ആഗോള രാഷ്ട്രീയ സംഭവവികാസങ്ങളും ഉൽപ്പാദനത്തിലെ മാറ്റങ്ങളും വരും ദിവസങ്ങളിലും എണ്ണവിലയെ സ്വാധീനിച്ചേക്കും.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.