തിരുവനന്തപുരം: ഒരാഴ്ചയ്ക്കിടെ 13 പേർക്ക് ഡെങ്കിപ്പനി സ്ഥിരീകരിച്ചതിനെ തുടർന്ന് കേരള സർവകലാശാലയുടെ കാര്യവട്ടം ക്യാംപസും ഹോസ്റ്റലുകളും താൽക്കാലികമായി അടച്ചു. രോഗവ്യാപനം നിയന്ത്രിക്കുന്നതിന്റെ ഭാഗമായി മൂന്ന് ദിവസത്തേക്കാണ് അടച്ചിടാൻ തീരുമാനിച്ചത്.
രോഗം സ്ഥിരീകരിച്ചവരിൽ 10 വിദ്യാർഥിനികളും മൂന്ന് ജീവനക്കാരുമുണ്ട്. വിദ്യാർഥിനികൾ താമസിക്കുന്ന ഹോസ്റ്റലിലാണ് രോഗവ്യാപനം കൂടുതലായി റിപ്പോർട്ട് ചെയ്തത്.
സർവകലാശാലാ അധികൃതരും ആരോഗ്യവകുപ്പ് ഉദ്യോഗസ്ഥരും പങ്കെടുത്ത യോഗത്തിലാണ് നടപടി തീരുമാനിച്ചത്. ക്ലാസുകൾ പൂർണമായും ഓൺലൈനായി നടത്താനും ക്യാംപസിലും ഹോസ്റ്റൽ പരിസരങ്ങളിലും ശുചീകരണവും ഫോഗിങ്ങും ഉൾപ്പെടെയുള്ള പ്രതിരോധ പ്രവർത്തനങ്ങൾ ശക്തമാക്കാനും തീരുമാനിച്ചിട്ടുണ്ട്.
രോഗവ്യാപനത്തിന്റെ പശ്ചാത്തലത്തിൽ വിദ്യാർഥികളും ജീവനക്കാരും കൊതുകുകടി ഒഴിവാക്കുന്നതിനും പരിസര ശുചിത്വം ഉറപ്പാക്കുന്നതിനും ശ്രദ്ധിക്കണമെന്ന് ആരോഗ്യവകുപ്പ് നിർദേശിച്ചു.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.