മലപ്പുറം: തിരൂരങ്ങാടി ചെറുമുക്കിൽ വൈദ്യുതാഘാതമേറ്റ് 14 വയസ്സുകാരൻ ജുനൈദ് മരിച്ച സംഭവത്തിൽ കേരള സംസ്ഥാന വൈദ്യുതി ബോർഡ് (കെഎസ്ഇബി) പരസ്യമായി മാപ്പ് പറഞ്ഞു. അപകടത്തിലേക്ക് നയിച്ച സാഹചര്യം വിശദമായി അന്വേഷിക്കുമെന്നും വീഴ്ച കണ്ടെത്തിയാൽ ഉത്തരവാദികൾക്കെതിരെ നടപടിയെടുക്കുമെന്നും ബോർഡ് അറിയിച്ചു.
വൈദ്യുതിത്തൂണിൽനിന്ന് പൊട്ടിവീണ സ്റ്റേ വയറിൽ തട്ടിയാണ് കുട്ടിക്ക് വൈദ്യുതാഘാതമേറ്റത്. വയർ വൈദ്യുതിയുമായി സമ്പർക്കത്തിലായിരുന്നുവെന്നാണ് പ്രാഥമിക വിവരം. സംഭവത്തിൽ ഉദ്യോഗസ്ഥരുടെ ഭാഗത്ത് വീഴ്ചയുണ്ടായെന്ന ആരോപണത്തെത്തുടർന്ന് വൈദ്യുതിമന്ത്രി സണ്ണി ജോസഫ് അന്വേഷണത്തിന് നിർദേശം നൽകിയിരുന്നു.
തിരൂർ ഇലക്ട്രിക്കൽ സർക്കിളിലെ ഡെപ്യൂട്ടി ചീഫ് എൻജിനീയറുടെ മേൽനോട്ടത്തിൽ അന്വേഷണം നടത്തുമെന്ന് കെഎസ്ഇബി അറിയിച്ചു. അപകടസാധ്യതയുള്ള ഇടങ്ങൾ കണ്ടെത്താൻ വൈദ്യുതിലൈനുകളിൽ പരിശോധനയും പട്രോളിങ്ങും ശക്തമാക്കും. അപകടസാധ്യതയുള്ള വൈദ്യുതി സംവിധാനങ്ങൾ ശ്രദ്ധയിൽപ്പെട്ടാൽ പൊതുജനങ്ങൾ ബോർഡിനെ അറിയിക്കണമെന്നും കെഎസ്ഇബി അഭ്യർഥിച്ചു.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.