നെടുമങ്ങാട്: റൂട്ട് കനാൽ ചികിത്സയ്ക്കിടെ ദന്തഡോക്ടറുടെ കൈയിൽനിന്ന് സൂചി വഴുതി വിദ്യാർഥിനിയുടെ തൊണ്ടയിൽ കുടുങ്ങിയതായി പരാതി. പിന്നീട് സൂചി വയറ്റിലെത്തിയതായി എക്‌സ്‌റേ പരിശോധനയിൽ കണ്ടെത്തി. ശസ്ത്രക്രിയയ്ക്കായി വിദ്യാർഥിനിയെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.
അരുവിക്കര വട്ടക്കുളത്തെ സീമയുടെ മകളായ പ്ലസ് ടു വിദ്യാർഥിനി ദേവശ്രീക്കാണ് ദുരനുഭവമുണ്ടായത്. ഒക്ടോബർ 31-ന് അരുവിക്കരയിലെ സ്വകാര്യ ദന്തചികിത്സാ കേന്ദ്രത്തിൽ റൂട്ട് കനാൽ ചികിത്സയ്ക്കിടെയാണ് സംഭവം. സൂചി തൊണ്ടയിൽ കുടുങ്ങിയതിനെത്തുടർന്ന് രണ്ട് സ്വകാര്യ ആശുപത്രികളിൽ പരിശോധന നടത്തി. തുടർന്നുള്ള എക്‌സ്‌റേ പരിശോധനയിലാണ് സൂചി വയറ്റിലെത്തിയതായി വ്യക്തമായത്.
സംഭവത്തിൽ ചികിത്സാപ്പിഴവ് ആരോപിച്ച് അമ്മ അരുവിക്കര പൊലീസിൽ പരാതി നൽകിയിട്ടുണ്ട്. എന്നാൽ പരാതി നൽകി ഒരാഴ്ച കഴിഞ്ഞിട്ടും കേസെടുത്തിട്ടില്ലെന്നാണ് കുടുംബത്തിന്റെ ആരോപണം. അതേസമയം, പെൺകുട്ടി സ്വയം സൂചി വിഴുങ്ങിയതാണെന്നാണ് ക്ലിനിക് അധികൃതരുടെ വിശദീകരണമെന്നാണ് റിപ്പോർട്ട്. സംഭവത്തിൽ അന്വേഷണം നടത്തി തുടർനടപടി സ്വീകരിക്കുമെന്ന് പൊലീസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.