മുംബൈ: വിദേശത്തുള്ള പ്രവാസി ഇന്ത്യക്കാർക്കും വിദേശ പൗരന്മാർക്കും ഇന്ത്യയിലെ ഓഹരി വിപണിയിൽ നിക്ഷേപിക്കുന്നതിനുള്ള കെവൈസി നടപടികൾ ലളിതമാക്കി സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി). പുതിയ ചട്ടപ്രകാരം അർഹരായ നിക്ഷേപകർക്ക് ഇന്ത്യയിലെത്താതെ വിദേശത്തിരുന്നുതന്നെ ഡിജിറ്റൽ മാർഗത്തിലൂടെ കെവൈസി നടപടികൾ പൂർത്തിയാക്കാം.
ഫിനാൻഷ്യൽ ആക്ഷൻ ടാസ്ക് ഫോഴ്സിന്റെ മാനദണ്ഡങ്ങൾ പാലിക്കുന്ന രാജ്യങ്ങളിൽ താമസിക്കുന്ന പ്രവാസി ഇന്ത്യക്കാർ, ഓവർസീസ് സിറ്റിസൺസ് ഓഫ് ഇന്ത്യ വിഭാഗക്കാർ, വിദേശ പൗരന്മാർ എന്നിവർക്കാണ് ഈ സൗകര്യം ലഭിക്കുക. ബാങ്കുകൾക്കും ഓഹരി ഇടപാട് സ്ഥാപനങ്ങൾക്കും അംഗീകൃത രേഖകൾ ഡിജിറ്റലായി സ്വീകരിക്കാനും ആവശ്യമായ സാഹചര്യങ്ങളിൽ വീഡിയോ വഴി തിരിച്ചറിയൽ പരിശോധന നടത്താനും അനുമതിയുണ്ട്.
മറ്റൊരു അംഗീകൃത സാമ്പത്തിക സ്ഥാപനത്തിൽ പൂർത്തിയാക്കിയ കെവൈസി വിവരങ്ങൾ ഉപയോഗിക്കാനും പുതിയ ചട്ടം അനുവദിക്കുന്നു. എന്നാൽ ഉപഭോക്താവിന്റെ പരിശോധനയും നിയമാനുസൃതമായ രേഖകളുടെ ഉറപ്പാക്കലും സംബന്ധിച്ച അന്തിമ ഉത്തരവാദിത്തം സേവനദാതാവിനായിരിക്കും.
ഡിസംബർ 3 മുതൽ പുതിയ ചട്ടങ്ങൾ പ്രാബല്യത്തിൽ വരും. വിദേശത്തുള്ള ഇന്ത്യൻ നിക്ഷേപകർക്ക് ഇന്ത്യൻ സാമ്പത്തിക വിപണിയിൽ പ്രവേശിക്കുന്നതിനുള്ള നടപടികൾ കൂടുതൽ സൗകര്യപ്രദമാക്കുന്നതാണ് മാറ്റം.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.