കൊച്ചി: കൊച്ചിയിൽ വൻ ലഹരിമരുന്ന് വേട്ട. 192 ഗ്രാം എംഡിഎംഎയുമായി രണ്ടുപേരെ പൊലീസ് അറസ്റ്റ് ചെയ്തു. പള്ളുരുത്തി സ്വദേശി ഹരികൃഷ്ണൻ കെ.എസ്. (32), തോപ്പുംപടി സ്വദേശി ഷിനു സെബാസ്റ്റ്യൻ (34) എന്നിവരാണ് പിടിയിലായത്.
എറണാകുളം റൂറൽ ജില്ലാ പൊലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. ആലുവ ഡിവൈഎസ്പി ബൈജു പൗലോസിന്റെ നേതൃത്വത്തിലുള്ള സംഘം നടത്തിയ പരിശോധനയിൽ കൊച്ചിയിലെ ഒരു ലോഡ്ജിൽ നിന്ന് ഹരികൃഷ്ണനെ പിടികൂടി. ഇയാളിൽ നിന്ന് 185 ഗ്രാം എംഡിഎംഎ കണ്ടെത്തി. തുടർന്ന് ലഭിച്ച വിവരത്തിന്റെ അടിസ്ഥാനത്തിൽ കൊച്ചി സിറ്റി പൊലീസുമായി ചേർന്ന് ഷിനുവിന്റെ തോപ്പുംപടിയിലെ വീട്ടിൽ പരിശോധന നടത്തി. ഇവിടെ പക്ഷിക്കൂടിനുള്ളിൽ ഒളിപ്പിച്ച നിലയിൽ ഏഴ് ഗ്രാം എംഡിഎംഎ കൂടി കണ്ടെത്തി.
പിടിച്ചെടുത്ത ലഹരിമരുന്നിന് ഏകദേശം 7.5 ലക്ഷം രൂപ വിലവരുമെന്നാണ് പൊലീസ് കണക്കാക്കുന്നത്. തമിഴ്നാട്ടിൽ നിന്ന് ടൂറിസ്റ്റ് ബസിൽ വാഴക്കുലയ്ക്കുള്ളിൽ ഒളിപ്പിച്ചാണ് ലഹരിമരുന്ന് കൊച്ചിയിലെത്തിച്ചതെന്നാണ് അന്വേഷണത്തിൽ കണ്ടെത്തിയത്.
എറണാകുളം, ആലുവ മേഖലകളിലെ ഇടനിലക്കാർക്കും ഉപഭോക്താക്കൾക്കും വിതരണം ചെയ്യാനായിരുന്നു ലഹരിമരുന്ന് കൊണ്ടുവന്നതെന്നാണ് പൊലീസിന്റെ നിഗമനം. ലഹരിമരുന്നിന്റെ ഉറവിടവും വിതരണശൃംഖലയും കണ്ടെത്തുന്നതിനായി അന്വേഷണം വ്യാപിപ്പിച്ചിട്ടുണ്ട്. സംഭവത്തിൽ കൂടുതൽ പേർക്ക് പങ്കുണ്ടോയെന്നും പൊലീസ് പരിശോധിച്ചുവരികയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.