ന്യൂഡൽഹി: ഇന്ത്യയും ജപ്പാനും തമ്മിലുള്ള പ്രതിരോധ, സുരക്ഷാ സഹകരണം കൂടുതൽ ശക്തമാക്കാൻ ഇരു രാജ്യങ്ങളിലെയും വിദേശകാര്യ, പ്രതിരോധ മന്ത്രിമാർ ടോക്കിയോയിൽ കൂടിക്കാഴ്ച നടത്തും. നാലാമത് ഇന്ത്യ–ജപ്പാൻ 2+2 മന്ത്രിതല ചർച്ചയിൽ പ്രതിരോധ മന്ത്രി രാജ്നാഥ് സിങ്ങും വിദേശകാര്യമന്ത്രി എസ്. ജയശങ്കറും ഇന്ത്യയെ പ്രതിനിധീകരിക്കും.
ജപ്പാന്റെ പ്രതിരോധ മന്ത്രി ഷിൻജിറോ കൊയിസുമിയും വിദേശകാര്യമന്ത്രി തോഷിമിത്സു മൊട്ടേഗിയും ചർച്ചയിൽ പങ്കെടുക്കും. ഇന്തോ-പസഫിക് മേഖലയിലെ സുരക്ഷ, പ്രാദേശികവും ആഗോളവുമായ സംഭവവികാസങ്ങൾ, ഇരു രാജ്യങ്ങളും തമ്മിലുള്ള തന്ത്രപ്രധാനമായ ബന്ധം എന്നിവ ചർച്ചയുടെ പ്രധാന വിഷയങ്ങളാകും.
പ്രതിരോധ ഉപകരണങ്ങളുടെയും സാങ്കേതികവിദ്യയുടെയും കൈമാറ്റം, സമുദ്രസുരക്ഷ, മൂന്ന് സൈനിക വിഭാഗങ്ങളും പങ്കെടുക്കുന്ന സംയുക്ത പരിശീലനങ്ങളുടെ വ്യാപ്തി വർധിപ്പിക്കൽ എന്നിവയിലും പ്രത്യേക ശ്രദ്ധ നൽകും. പ്രതിരോധ വ്യവസായ മേഖലയിൽ കൂടുതൽ സഹകരണം ഉറപ്പാക്കാനുള്ള വഴികളും മന്ത്രിമാർ പരിശോധിക്കും.
ഇന്ത്യയും ജപ്പാനും തമ്മിലുള്ള പ്രത്യേക തന്ത്രപ്രധാന പങ്കാളിത്തം കൂടുതൽ ശക്തമാക്കുന്നതിൽ പുതിയ ചർച്ച നിർണായകമാണ്. ഏഷ്യൻ മേഖലയിലെ സമാധാനം, സുരക്ഷ, സാമ്പത്തിക സ്ഥിരത എന്നിവയ്ക്കായി ഇരുരാജ്യങ്ങളും തമ്മിലുള്ള സഹകരണം കൂടുതൽ വിപുലീകരിക്കുകയാണ് ലക്ഷ്യം.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.