തിരുവനന്തപുരം: അന്തരിച്ച പ്രശസ്ത നടൻ ഭരത് ഗോപിയുടെ ഭാര്യ എസ്.വി. ജയലക്ഷ്മി (83) അന്തരിച്ചു. വാർധക്യസഹജമായ അസുഖങ്ങളെ തുടർന്ന് തിരുവനന്തപുരത്തെ ശ്രീകാര്യത്തുള്ള വസതിയിലായിരുന്നു അന്ത്യം. നടനും തിരക്കഥാകൃത്തുമായ മുരളി ഗോപിയുടെ മാതാവാണ്.
മലയാള സിനിമയിലെ ശ്രദ്ധേയ നടനായിരുന്ന ഭരത് ഗോപിയുടെ ജീവിതത്തിലും കലാപ്രവർത്തനങ്ങളിലും പിന്തുണയുമായി ജയലക്ഷ്മി കൂടെയുണ്ടായിരുന്നു. ഭരത് ഗോപിയുടെ മരണശേഷവും കുടുംബത്തിന്റെ ഭാഗമായി തിരുവനന്തപുരത്തായിരുന്നു താമസം.
നടനും തിരക്കഥാകൃത്തുമായ മുരളി ഗോപിയും ഡോ. മിനു ഗോപിയുമാണ് മക്കൾ. മിനു ഗോപി ശ്രീഗോകുലം മെഡിക്കൽ കോളജിൽ അധ്യാപികയാണ്.
സംസ്കാരം നവംബർ 12 വ്യാഴാഴ്ച ഉച്ചയ്ക്ക് ഒരു മണിക്ക് തിരുവനന്തപുരത്തെ ശാന്തികവാടത്തിൽ നടക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.