തൃപ്പൂണിത്തുറ: യൂട്യൂബർ മുംതാസ് അബ്ദുൽ സലാം പോക്‌സോ കേസിൽ അറസ്റ്റിൽ
സമൂഹമാധ്യമങ്ങളിലൂടെ പ്രായപൂർത്തിയാകാത്ത ആൺകുട്ടിയെയും മാതാവിനെയും ലൈംഗികമായി അധിക്ഷേപിച്ച കേസിൽ പ്രമുഖ യൂട്യൂബർ തിരുവനന്തപുരം സ്വദേശിനി മുംതാസ് അബ്ദുൽ സലാമിനെ തൃപ്പൂണിത്തുറ പോലീസ് അറസ്റ്റ് ചെയ്തു. ഇന്ന്‌ (18 ഒക്ടോബർ 2026 ) രാവിലെ പത്ത് മണിയോടെയാണ് ഇവരുടെ അറസ്റ്റ് ഔദ്യോഗികമായി രേഖപ്പെടുത്തിയത്.
പരാതിക്കാരായ അമ്മയുടെയും മകന്റെയും ചിത്രങ്ങൾ ഫേസ്ബുക്കിൽ നിന്ന് ശേഖരിച്ച ശേഷം, മുംതാസ് തന്റെ 'വോയ്‌സ് ഓഫ് ട്രൂത്ത്' (Voice of Truth) എന്ന യൂട്യൂബ് ചാനലിലൂടെ ഗുരുതരമായ ലൈംഗികാധിക്ഷേപങ്ങളും അസഭ്യവർഷവും നടത്തുകയായിരുന്നുവെന്നാണ് പരാതി. ദൃശ്യങ്ങൾ വ്യാപകമായി പ്രചരിച്ചതോടെ ഇരകളായ കുടുംബം പോലീസിനെ സമീപിക്കുകയായിരുന്നു.
പരാതിയുടെ അടിസ്ഥാനത്തിൽ തൃപ്പൂണിത്തുറ പോലീസ് FIR നമ്പർ 0591/26 പ്രകാരം പോക്‌സോ നിയമത്തിലെ വിവിധ വകുപ്പുകളും ഐടി ആക്ടും ചുമത്തിയാണ് കേസ് രജിസ്റ്റർ ചെയ്തത്. സംഭവത്തിൽ കൂടുതൽ പേർക്ക് പങ്കുണ്ടോയെന്നും പോലീസ് അന്വേഷിച്ചു വരികയാണ്. പ്രതിയെ വൈദ്യപരിശോധനയ്ക്ക് ശേഷം കോടതിയിൽ ഹാജരാക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.