ന്യൂഡൽഹി: മൂന്ന് സംസ്ഥാനങ്ങളിലായി നടന്ന രാജ്യസഭാ തിരഞ്ഞെടുപ്പില്‍ 10 സീറ്റുകള്‍ നേടി വൻവിജയം സ്വന്തമാക്കി ബിജെപി.
എന്നാല്‍ ഈ തിരഞ്ഞെടുപ്പില്‍ രാജ്യത്തെ പ്രധാന പ്രതിപക്ഷ പാർട്ടിയായ കോണ്‍ഗ്രസിന് ഒരു സീറ്റ് പോലും നേടാനായില്ല. ഉത്തർപ്രദേശില്‍ വോട്ടെടുപ്പ് ഒഴിവാക്കി സ്ഥാനാർത്ഥികള്‍ എതിരില്ലാതെ തിരഞ്ഞെടുക്കപ്പെടുകയായിരുന്നു.
നിയമസഭയിലെ അംഗബലം അനുസരിച്ച്‌ ബിജെപിക്കും സമാജ്‌വാദി പാർട്ടി പാർട്ടിക്കും കൃത്യമായ ഭൂരിപക്ഷം ഉണ്ടായിരുന്നു.
അതിനാല്‍ ബിജെപിയുടെ എട്ട് സ്ഥാനാർത്ഥികളും സമാജ്‌വാദി പാർട്ടിയുടെ രണ്ട് സ്ഥാനാർത്ഥികളും സുരക്ഷിതമായി സഭയിലേക്ക് തിരഞ്ഞെടുക്കപ്പെട്ടു. സമാജ്‌വാദി പാർട്ടിയില്‍ നിന്ന് മുതിർന്ന നേതാവ് റാം ഗോപാല്‍ യാദവ് ഉള്‍പ്പെടെയുള്ളവർ തിരഞ്ഞെടുക്കപ്പെട്ടവരില്‍ ഉള്‍പ്പെടുന്നു.
ഉത്തരാഖണ്ഡില്‍ നിന്നും പശ്ചിമ ബംഗാളില്‍ നിന്നും ഉള്ള ഓരോ സീറ്റുകളും ബിജെപി തങ്ങളുടെ അക്കൗണ്ടിലാക്കി. പശ്ചിമ ബംഗാളിലെ ഉപതിരഞ്ഞെടുപ്പില്‍ അടുത്തിടെ പാർട്ടിയില്‍ ചേർന്ന നടി കോയല്‍ മല്ലിക് ബിജെപി സ്ഥാനാർത്ഥിയായി എതിരില്ലാതെ വിജയിച്ചു.
രാജ്യസഭയില്‍ ബിജെപി സ്വന്തം നിലയ്ക്ക് കൂടുതല്‍ കരുത്താർജ്ജിക്കുന്നതിന്റെ തെളിവാണ് ഈ തിരഞ്ഞെടുപ്പ് ഫലം. തിരഞ്ഞെടുപ്പ് പ്രക്രിയ പൂർത്തിയായതോടെ വിജയികള്‍ക്ക് വരണാധികാരികള്‍ സർട്ടിഫിക്കറ്റുകള്‍ കൈമാറി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.