കാണ്‍പൂർ: സമൂഹ മാധ്യമത്തിലൂടെ പരിചയപ്പെട്ട തായ്ലൻഡ് സ്വദേശിയായ യുവതിയെ വിവാഹം കഴിച്ച് ലക്ഷക്കണക്കിന് രൂപ തട്ടിയെടുത്ത് മുങ്ങിയ യുവാവ് പിടിയില്‍.
നാല് വർഷം മുമ്പാണ് ഇൻസ്റ്റാഗ്രാമിലൂടെ ഇരുവരും പരിചയപ്പെടുന്നത്. ആദ്യം ഇരുവരും തമ്മില്‍ സൗഹൃദമായിരുന്നു. പിന്നാലെ അത് പ്രണയബന്ധമായി മാറി. പിന്നീട് താൻ വിവാഹിതനാണെന്ന കാര്യം മറച്ചുവെച്ച്‌ യുവതിയോട് പ്രണയാഭ്യർത്ഥന നടത്തുകയായിരുന്നു. രണ്ട് വർഷം മുൻപ് ഉപ്സോണിനെ കാണാനായി ഇർഫാൻ തായ്‍ലൻഡിലേക്ക് പോയി. അവിടെവച്ച്‌ ഇരുവരും വിവാഹിതരാവുകയും ചെയ്തു.
വിവാഹ ശേഷം ബിസിനസ് ആവശ്യങ്ങള്‍ക്കെന്ന് പറഞ്ഞ് ഇർഫാൻ യുവതിയില്‍ നിന്ന് പണം വാങ്ങാൻ തുടങ്ങി. വിവാഹം കഴിഞ്ഞ് ഏഴെട്ട് മാസത്തിനിടെ ഏകദേശം 20 ലക്ഷം ഭാത് ഇയാള്‍ കൈപ്പറ്റിയെന്നാണ് യുവതിയുടെ പരാതിയില്‍ പറയുന്നത്.
റസ്റ്റോറന്റില്‍ നിന്നുള്ള വരുമാനവും കുടുംബാംഗങ്ങളോട് കടം വാങ്ങിയുമാണ് ഉപ്സോണ്‍ പണം കണ്ടെത്തിയത്. എന്നാല്‍ പണം ലഭിച്ച ശേഷം ഇർഫാൻ ഉപ്സോണുമായുള്ള എല്ലാ ബന്ധങ്ങളും അവസാനിപ്പിച്ച്‌ ഇന്ത്യയിലേക്ക് മടങ്ങിപ്പോവുകയായിരുന്നുവെന്ന് യുവതി പറയുന്നു. മാസങ്ങളോളം ഭർത്താവുമായി ബന്ധപ്പെടാൻ ശ്രമിച്ചെങ്കിലും മറുപടി ഇല്ലാതായതോടെ യുവതി ഇന്ത്യയിലേക്ക് തിരിക്കാൻ തീരുമാനിച്ചു. 2026 ഒക്ടോബർ 6-ന് യുവതി കാണ്‍പൂരിലെ ഇർഫാന്റെ വീട്ടിലെത്തി. എന്നാല്‍ അപ്പോഴാണ് ഇർഫാൻ തന്നെ കബളിപ്പിക്കുകയായിരുന്നെന്ന് യുവതിയ്ക്ക് മനസ്സിലായത്.
ഇർഫാൻ 12 വർഷം മുൻപ് വിവാഹിതനായതാണെന്നും അയാള്‍ക്ക് 3 മക്കളുണ്ടെന്നും യുവതി കണ്ടെത്തി. ഇതോടെ യുവതി പണം തിരികെ ആവശ്യപ്പെട്ടു. എന്നാല്‍ പണം തിരികെ ആവശ്യപ്പെട്ടപ്പോള്‍ ഇർഫാൻ തന്നെ ശാരീരികമായി ഉപദ്രവിച്ചെന്നും ഇന്ത്യയിലേക്ക് സ്ഥിരമായി താമസം മാറ്റണമെന്നും മതം മാറണമെന്നും എങ്കില്‍ മാത്രമേ പണം തിരികെ നല്‍കുന്നതിനെക്കുറിച്ച്‌ ആലോചിക്കുകയോ ഭാര്യയായി സ്വീകരിക്കുകയോ ചെയ്യുള്ളൂ എന്ന് ഇർഫാൻ ഭീഷണിപ്പെടുത്തിയെന്നും യുവതി പറയുന്നു. ഇതോടെയാണ് പൊലീസില്‍ പരാതി നല്‍കിയത്. പിന്നാലെ പൊലീസ് ഇർഫാനെ അറസ്റ്റ് ചെയ്തു. സംഭവത്തില്‍ എസിപിയുടെ നേതൃത്വത്തില്‍ കൂടുതല്‍ അന്വേഷണം നടന്നു വരികയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.