കല്‍പ്പറ്റ: വയനാട് കേന്ദ്രീകരിച്ച് വന്‍തുക ലാഭം വാഗ്ദാനം ചെയ്ത് പണം തട്ടാന്‍ ശ്രമിച്ച സംഘത്തിന്റെ വാട്‌സ്ആപ്പ് ഗ്രൂപ്പ് മെറ്റ ബ്ലോക്ക് ചെയ്തു.
വയനാട്ടിലെ പ്രമുഖ സാമൂഹിക, രാഷ്ട്രീയ വ്യക്തികളെ പോലും അനുമതിയില്ലാതെയാണ് ഈ ഗ്രൂപ്പില്‍ അംഗങ്ങളാക്കിയിരുന്നത്. ഇത്രയധികം പേരുടെ ഫോണ്‍ നമ്പറുകള്‍ തട്ടിപ്പ് സംഘത്തിന് എങ്ങനെ ലഭിച്ചു എന്നതിനെക്കുറിച്ചും പൊലീസ് അന്വേഷണം ആരംഭിച്ചിട്ടുണ്ട്. കൂടാതെ, സംഘത്തിന് ഉത്തരേന്ത്യന്‍ സംഘങ്ങളുമായി ബന്ധമുണ്ടോയെന്നും പരിശോധിക്കുന്നുണ്ട്.
ഇതുവരെ ആര്‍ക്കും സാമ്പത്തിക നഷ്ടം സംഭവിച്ചതായി പരാതി ലഭിച്ചിട്ടില്ല. എങ്കിലും, ഇത്തരത്തിലുള്ള തട്ടിപ്പുകളില്‍ ആരെങ്കിലും ഇരയായിട്ടുണ്ടെങ്കില്‍ ഉടന്‍തന്നെ പൊലീസിനെ സമീപിക്കണമെന്ന് അധികൃതര്‍ അഭ്യര്‍ത്ഥിച്ചു.
സാമ്പത്തിക ബുദ്ധിമുട്ട് അനുഭവിക്കുന്നവരെയും വിരമിച്ച സര്‍ക്കാര്‍ ജീവനക്കാരെയുമാണ് സംഘം പ്രധാനമായും ലക്ഷ്യമിട്ടിരുന്നത്. 5,000 രൂപ നല്‍കിയാല്‍ 15 മിനിറ്റിനുള്ളില്‍ 18,000 രൂപയും, 10,000 രൂപ നല്‍കിയാല്‍ 45 മിനിറ്റിനുള്ളില്‍ 30,000 രൂപയും തിരികെ നല്‍കാമെന്നായിരുന്നു വാഗ്ദാനം. 90,000 രൂപ നിക്ഷേപിച്ചാല്‍ നാലുലക്ഷം രൂപ ലഭിക്കുമെന്നും ഗ്രൂപ്പില്‍ വ്യാജ പ്രചാരണം നടത്തിയിരുന്നു.
ആദ്യം ചെറിയ തുകകള്‍ വാങ്ങി, പണം തിരികെ ലഭിക്കുന്നതിനുള്ള ചാര്‍ജ് എന്ന പേരില്‍ വീണ്ടും കൂടുതല്‍ തുക ആവശ്യപ്പെടുന്നതാണ് ഇവരുടെ രീതി. അംഗങ്ങളുടെ വിശ്വാസ്യത പിടിച്ചുപറ്റാന്‍, മറ്റുള്ളവര്‍ക്ക് ലാഭം ലഭിച്ചുവെന്ന് തെറ്റിധരിപ്പിക്കുന്ന വ്യാജ യുപിഐ ഇടപാട് സ്‌ക്രീന്‍ഷോട്ടുകളും ഇവര്‍ ഗ്രൂപ്പില്‍ പങ്കുവെച്ചിരുന്നു. സമാന രീതിയില്‍ ടെലഗ്രാം ഗ്രൂപ്പുകള്‍ കേന്ദ്രീകരിച്ചും ഇത്തരം തട്ടിപ്പുകള്‍ സജീവമാണെന്ന് പൊലീസ് മുന്നറിയിപ്പ് നല്‍കുന്നു.
അവിശ്വസനീയമായ സാമ്പത്തിക വാഗ്ദാനങ്ങളുമായി എത്തുന്ന ഇത്തരം ഓണ്‍ലൈന്‍ ഗ്രൂപ്പുകളില്‍ നിന്ന് ആളുകള്‍ ഉടന്‍ തന്നെ ലെഫ്റ്റ് ആകണമെന്നും, ഇത്തരം തട്ടിപ്പുകള്‍ ശ്രദ്ധയില്‍പ്പെട്ടാല്‍ ഉടന്‍ തന്നെ പൊലീസിനെ അറിയിക്കണമെന്നും അധികൃതര്‍ കര്‍ശന മുന്നറിയിപ്പ് നല്‍കിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.