പാട്ന: ബിഹാറിലെ ചടങ്ങില്‍ പ്രസംഗിക്കുന്നതിനിടെ പ്രധാനമന്ത്രി നരേന്ദ്രമോദിക്കെതിരേ പൊട്ടിത്തെറിച്ച്‌ കോണ്‍ഗ്രസ് അധ്യക്ഷൻ മല്ലികാർജുൻ ഖർഗെ.
പട്നയില്‍ ഡോ. ശ്രീ കൃഷ്ണ സിങ്ങിന്റെ 139-ാം ജന്മവാർഷികത്തോട് അനുബന്ധിച്ച ചടങ്ങില്‍ സംസാരിക്കുന്നതിനിടെയാണ് മല്ലികാർജുൻ ഖർഗെ പ്രധാനമന്ത്രിക്കെതിരേയും ബിജെപിക്കെതിരേയും ആഞ്ഞടിച്ചത്.
ഇതിനിടെയാണ് നാടകീയരംഗങ്ങളും അരങ്ങേറിയത്. പ്രധാനമന്ത്രി നരേന്ദ്രമോദിക്ക് നുണ പറയുന്ന സ്വഭാവമുണ്ട്. അധികാരത്തിലെത്തിയാല്‍ നൂറുദിവസത്തിനുള്ളില്‍ മുഴുവൻ കള്ളപ്പണവും തിരികെ കൊണ്ടുവരുമെന്ന് അദ്ദേഹം പറഞ്ഞിരുന്നു. ആ പണം എവിടെയെന്നും ഖർഗെ ചോദിച്ചു.
ഉത്തരാഖണ്ഡിലെ ശുദ്ധീകരണ വിവാദത്തില്‍ അന്വേഷണം ഉറപ്പുനല്‍കിയ ബിജെപി മന്ത്രി ജെപി നദ്ദ പിന്നീട് രാഹുല്‍ ഗാന്ധിക്കെതിരെ കേസെടുത്തു. വേദി ശുദ്ധീകരണം നടത്തിയ സംഭവത്തിന് പിന്നിലുള്ളവരെ ഇപ്പോഴും കണ്ടെത്താനുണ്ട്. ആർഎസ്‌എസിന്റെ പ്രത്യയശാസ്ത്രം രാജ്യത്ത് നിലനില്‍ക്കുന്നിടത്തോളം കാലം രാജ്യത്ത് സമാധാനമുണ്ടാകില്ല.
രൂപീകരിച്ച കാലം മുതല്‍ വർഗീയ പ്രവർത്തനങ്ങളില്‍ ഏർപ്പെട്ടിരിക്കുന്ന സംഘടനയാണ് ആർഎസ്‌എസ്. നിതീഷ് കുമാറിനെപ്പോലൊരു നേതാവ് ആർഎസ്‌എസുമായി കൈകോർത്തതില്‍ തനിക്ക് വലിയ വിഷമമുണ്ടെന്നും ബിഹാറില്‍ ഇപ്പോഴും ജംഗിള്‍രാജ് തന്നെയാണെന്നും ഖർഗെ പറഞ്ഞു.
അതേസമയം, കോണ്‍ഗ്രസ് അധ്യക്ഷനെതിരേ ബിജെപി രംഗത്തെത്തി. മല്ലികാർജുൻ ഖർഗെയുടെ സമനില തെറ്റിയിരിക്കുകയാണെന്നായിരുന്നു ബിജെപിയുടെ പ്രതികരണം. അദ്ദേഹം തന്റെ നിലവാരം ഒരിക്കല്‍കൂടി തെളിയിച്ചിരിക്കുകയാണെന്നും ബിജെപി ആരോപിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.