തൊടുപുഴ: നഗരത്തില്‍ രാത്രിയില്‍ കുടുംബത്തോടൊപ്പം സഞ്ചരിക്കുന്നതിനിടെ മദ്യലഹരിയില്‍ തന്നെ ഉപദ്രവിക്കാന്‍ ശ്രമിച്ച യുവാവിനെ ഒരുകിലോമീറ്ററോളം പിന്തുടര്‍ന്ന് പിടിച്ച് പെണ്‍കുട്ടി.
മാതാപിതാക്കള്‍ക്കൊപ്പം കട്ടപ്പന നഗരത്തില്‍ എത്തിയതായിരുന്നു വീണ. മാര്‍ക്കറ്റ് ജങ്ഷനില്‍ നടന്നുവരുന്ന വഴിക്ക് കൊച്ചി സ്വദേശി ജാക്‌സണ്‍ ഉപദ്രവിക്കാന്‍ ശ്രമിക്കുകയായിരുന്നു. പിന്നാലെ വീണയുടെ മാതാപിതാക്കള്‍ ഉണ്ടെന്ന് മനസിലാക്കിയ പ്രതി ഉടന്‍ പെണ്‍കുട്ടിയെ തള്ളിയിട്ട് ഓടിമറയാന്‍ ശ്രമിച്ചു.
വീഴ്ചയില്‍ കാല്‍മുട്ടിന് പരിക്കേറ്റെങ്കിലും, വീണ അത്മസംയമനം കൈവിടാതെ ആക്രമിയുടെ പിന്നാലെ ഓടി. പുതിയ ബസ് സ്റ്റാന്‍ഡ് ഭാഗത്തുവരെ ഇയാളെ ഓടിച്ചു. സ്റ്റാന്‍ഡിലെ വ്യാപാരികളുടെയും ഓട്ടോറിക്ഷ തൊഴിലാളികളുടെയും സഹായത്തോടെ ആക്രമിയെ പിടിച്ചുനിര്‍ത്തി. തുടര്‍ന്ന് കട്ടപ്പന പൊലീസിന് കൈമാറി.
രക്ഷപ്പെടാന്‍വേണ്ടി അതിഥിത്തൊഴിലാളിയായി പ്രതി അഭിനയിച്ചെങ്കിലും ഇയാള്‍ എറണാകുളം സ്വദേശിയാണെന്ന് പൊലീസ് കണ്ടത്തെി. മദ്യപിച്ചെത്തിയ ഇയാള്‍ രാവിലെ മുതല്‍ കട്ടപ്പനയിലെ വ്യാപാര സ്ഥാപനങ്ങളില്‍ കയറി പ്രശ്‌നങ്ങള്‍ ഉണ്ടാക്കിയതായും പൊലീസില്‍ പറയുന്നു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.