ന്യൂഡൽഹി: ഇന്ത്യ തിരയുന്ന പിടികിട്ടാപ്പുള്ളിയായ കുപ്രസിദ്ധ ഗുണ്ടാത്തലവൻ ഹിമാൻഷു ഭാവുവിനെ അമേരിക്കയിൽ ഫെഡറൽ ബ്യൂറോ ഓഫ് ഇൻവെസ്റ്റിഗേഷൻ (എഫ്ബിഐ) അറസ്റ്റ് ചെയ്തതായി റിപ്പോർട്ടുകൾ.
ഹരിയാനയിലെ റോഹ്തക് ജില്ലയിലെ റിതോലി ഗ്രാമത്തിൽ നിന്നുള്ള ഇയാൾ വിദേശത്തിരുന്ന് ഡൽഹി-എൻസിആർ, ഹരിയാന, പഞ്ചാബ് എന്നിവിടങ്ങളിൽ ക്രിമിനൽ ശൃംഖല പ്രവർത്തിപ്പിച്ചെന്നാണ് അന്വേഷണ സംഘങ്ങളുടെ ആരോപണം. ഇയാൾക്കെതിരെ 2023 ഓഗസ്റ്റിൽ ഇന്റർപോൾ റെഡ് നോട്ടീസ് പുറപ്പെടുവിച്ചിരുന്നു.
ദേശീയ അന്വേഷണ ഏജൻസി (എൻഐഎ), ഡൽഹി പോലീസ്, ഹരിയാന പൊലീസ് എന്നിവരുടെ പിടികിട്ടാപ്പുള്ളി പട്ടികയിലും ഭാവുവുണ്ട്. കൊലപാതകം, അനധികൃത ആയുധങ്ങൾ കൈവശം വയ്ക്കൽ, ക്രിമിനൽ ഗൂഢാലോചന തുടങ്ങിയ കുറ്റങ്ങളും ഇയാൾക്കെതിരെ ആരോപിക്കപ്പെടുന്നു.
2022-ൽ 24 മണിക്കൂറിനിടെ ഹരിയാനയിൽ മൂന്ന് കൊലപാതകങ്ങൾ നടന്നതോടെയാണ് ഭാവു പൊലീസിന്റെ നിരീക്ഷണ വലയത്തിലാകുന്നത്. വാടകക്കൊലയാളികളെയും ആയുധധാരികളായ കൂട്ടാളികളെയും ഉപയോഗിച്ചാണ് ഇയാൾ ആക്രമണങ്ങൾ നടത്തിയിരുന്നത്
ഡൽഹിയിലെ ബർഗർ കിങ് ഔട്ട്‌ലെറ്റിലുണ്ടായ കൊലപാതകം, യൂട്യൂബർ എൽവിഷ് യാദവിന്റെ വീടിനു പുറത്ത് നടന്ന വെടിവെപ്പ് തുടങ്ങിയ സംഭവങ്ങളിൽ ഭാവുവിന്റെ സംഘത്തിന് പങ്കുണ്ടെന്ന് അന്വേഷണ ഉദ്യോഗസ്ഥർ സംശയിക്കുന്നു. നീരജ് ബവാന സംഘവുമായി ബന്ധമുള്ള ഇയാൾക്ക് ലോറൻസ് ബിഷ്‌ണോയ്–ഗോൾഡി ബ്രാർ സംഘവുമായി കുടിപ്പകയുണ്ടെന്നും റിപ്പോർട്ടുകളുണ്ട്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.