ന്യൂഡൽഹി: 'ഒരു രാജ്യം, ഒരു തിരഞ്ഞെടുപ്പ്' ബില്ലുകള്‍ പരിശോധിക്കുന്ന സംയുക്ത പാർലമെന്ററി സമിതി, ഒക്ടോബർ 6-ന് സുപ്രീം കോടതിയില്‍ നടത്താനിരുന്ന സന്ദർശനവും ജഡ്ജിമാരുമായുള്ള അനൗപചാരിക ചർച്ചകളും റദ്ദാക്കി.
നിയമനിർമ്മാണ സഭയുടെ ഭാഗമായ പാർലമെന്ററി സമിതി, നിയമങ്ങളുടെ ഭരണഘടനാ സാധുത പരിശോധിക്കേണ്ട പരമോന്നത നീതിപീഠത്തിലെ ജഡ്ജിമാരുമായി മുൻകൂട്ടി അനൗപചാരിക ചർച്ച നടത്തുന്നത് തെറ്റായ കീഴ്‌വഴക്കം സൃഷ്ടിക്കുമെന്നും, അത് നീതിന്യായ വ്യവസ്ഥയുടെ നിഷ്പക്ഷതയെ ചോദ്യം ചെയ്യുമെന്നും പ്രതിപക്ഷം വാദിച്ചു.
സമിതി അംഗങ്ങളില്‍ ചിലർ ജെ.പി.സി ചെയർമാൻ പി.പി. ചൗധരിക്ക് കത്തെഴുതുകയും സന്ദർശനം ഉടനടി റദ്ദാക്കണമെന്ന് ആവശ്യപ്പെടുകയും ചെയ്തിരുന്നു. പ്രതിപക്ഷത്തിന്റെ ഭാഗത്തുനിന്നുണ്ടായ കടുത്ത പ്രതിഷേധവും ഭരണഘടനാപരമായ ആശങ്കകളും കണക്കിലെടുത്താണ് സമിതി ഇപ്പോള്‍ സന്ദർശനം ഉപേക്ഷിച്ചിരിക്കുന്നത്.
2024 ഡിസംബറിലാണ് 'ഒരു രാജ്യം, ഒരു തിരഞ്ഞെടുപ്പ്' സംബന്ധിച്ച ബില്ലുകള്‍ ലോക്‌സഭയില്‍ അവതരിപ്പിച്ചത്. തുടർന്ന് വിശദമായ പരിശോധനയ്ക്കായി സംയുക്ത പാർലമെന്ററി സമിതിക്ക് വിടുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.