ഭക്ഷണം കഴിക്കുമ്പോള്‍ രുചിയെക്കാള്‍ പ്രധാനം ആരോഗ്യത്തിനാണ്. നമ്മുടെ പ്രതിരോധശേഷിയും മാനസികാവസ്ഥയുമെല്ലാം ആശ്രയിച്ചിരിക്കുന്നത് നമ്മുടെ ഭക്ഷണക്രമത്തെയാണ്.
ആരോഗ്യകരമായ 5 ഭക്ഷണ കോംബോകള്‍
യോഗര്‍ട്ടിനൊപ്പം ചിയ വിത്തുകള്‍
ലയിക്കുന്ന നാരുകൾ അടങ്ങിയ ചിയ വിത്തുകൾ പ്രോട്ടീൻ പായ്ക്ക് ആയ യോഗര്‍ട്ട് അല്ലെങ്കില്‍ തൈര് എന്നിവയുമായി ചേര്‍ത്ത് കഴിക്കുമ്പോള്‍ ദഹനം മെച്ചപ്പെടുത്താനും വയറു നിറഞ്ഞ തോന്നല്‍ നിലനിര്‍ത്തുകയും ചെയ്യും. ഈ ഫുഡ് കോംമ്പോ കുടൽ പ്രവർത്തനത്തെയും സ്ഥിരമായ സംതൃപ്തിയെയും പിന്തുണയ്ക്കുന്നു
ഓട്സും വാൽനട്ടും
ഓട്ട്‌സിൽ നിന്നുള്ള ബീറ്റാ ഗ്ലൂക്കൻ ഫൈബറും വാൽനട്ടിൽ അടങ്ങിയ ഒമേഗ 3 ഫാറ്റി ആസിഡുകളും സംയോജിപ്പിക്കുന്നത് ഹൃദയാരോഗ്യത്തിന് മികച്ചതാണ്. ഈ ഫുഡ് കോംമ്പോ കൊളസ്ട്രോൾ അളവ് നിയന്ത്രിക്കാനും ഹൃദയത്തിന്‍റെ പ്രവര്‍ത്തനം മെച്ചപ്പെടുത്താനും സഹായിക്കുന്നു.
ബീൻസും ചോറും
ചോറിനൊപ്പം ബീന്‍സ് കഴിക്കുന്നത് സമ്പൂര്‍ണ പ്രോട്ടീന്‍ ലഭ്യമാക്കാന്‍ സഹായിക്കുന്നു. സസ്യാഹാരികൾക്ക് പ്രത്യേകിച്ചും ഗുണം ചെയ്യുന്ന എല്ലാ അവശ്യ അമിനോ ആസിഡുകളും ഈ ഫുഡ് കോംമ്പോയിലൂടെ കിട്ടുന്നു
ഇലക്കറികളും അവക്കാഡോയും
അവക്കാഡോകളിലെ ആരോഗ്യകരമായ കൊഴുപ്പുകൾ ഇലക്കറികളിൽ അടങ്ങിയിരിക്കുന്ന എ, ഡി, ഇ, കെ തുടങ്ങിയ കൊഴുപ്പ് ലയിക്കുന്ന വിറ്റാമിനുകളെ ആഗിരണം ചെയ്യാൻ ശരീരത്തെ സഹായിക്കുന്നു. ചർമത്തിന്റെ ആരോഗ്യത്തിനും, ഹോർമോൺ ബാലൻസിനും, പ്രതിരോധശേഷിക്കും ഇത് മികച്ചതാണ്.
ബദാമിനൊപ്പം ഡാർക്ക് ചോക്ലേറ്റ്
മഗ്നീഷ്യം സമ്പുഷ്ടമായ ഡാർക്ക് ചോക്ലേറ്റ് ആരോഗ്യകരമായ കൊഴുപ്പ് നൽകുന്ന ബദാമിനൊപ്പം കഴിക്കുന്നത് ആരോഗ്യത്തിന് മികച്ചതാണ്. ഇത് മാനസികാവസ്ഥ മെച്ചപ്പെടുത്താനും ഊര്‍ജ്ജനില നിലനിര്‍ത്താനും രക്തത്തിലെ പഞ്ചസാരയുടെ അളവു സന്തുലിതമാക്കാനും സഹായിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.