വാടക മുടങ്ങിയിട്ട് മാസങ്ങള്‍, ചോദ്യം ചെയ്തപ്പോള്‍ ഭീക്ഷണിപ്പെടുത്തി യുവാവ്, പൂട്ട് പൊളിച്ച്‌ അകത്ത് കയറിയപ്പോള്‍ കണ്ടത് ലക്ഷക്കണക്കിന് രൂപ,

നാഗ്പൂർ: മാസങ്ങളായി വീട്ടുവാടക അടച്ചില്ല. വീട്ടുടമസ്ഥൻ വാടക ചോദിക്കുന്നത് പതിവായതോടെ 37 ലക്ഷം രൂപയുടെ കള്ള നോട്ട് അടിച്ച്‌ യുവാവ്.

നാഗ്പൂരിലാണ് സംഭവം. 500 രൂപയുടെ കള്ളനോട്ടാണ് യുവാവ് വാടക വീട്ടില്‍ വച്ചുണ്ടാക്കിയത്. വാടക തന്നില്ലെങ്കില്‍ വീട് ഒഴിയാൻ ഉടമ ആവശ്യപ്പെട്ടിരുന്നു. ഇതിന് പിന്നാലെ യുവാവ് വീട്ടില്‍ നിന്ന് മുങ്ങി. ഇതോടെ വീട്ടുടമസ്ഥാൻ വീടിനകത്ത് കയറി നടത്തിയ പരിശോധനയിലാണ് ലക്ഷങ്ങളുടെ കള്ളനോട്ട് കണ്ടെത്തിയത്. കെട്ടുകണക്കിന് നോട്ടുകളും അച്ചടിക്കാൻ ഉപയോഗിച്ച പേപ്പറുകളും മെഷീനുകളും അടക്കമാണ് പൊലീസ് കണ്ടെത്തിയത്. 

ഭാഗികമായി പ്രിന്റ് ചെയ്ത 48 ലക്ഷം രൂപയുടെ കറൻസി നോട്ടാണ് വീട്ടില്‍ നിന്ന് കണ്ടെത്തിയത്. പുഷ്പക് കൃഷ്ണ ഭണ്ഡാർകർ എന്ന നാഗ്പൂർ സ്വദേശിയെ പൊലീസ് സംഭവത്തില്‍ തെരയുകയാണ്. ഒന്നര വർഷം മുൻപാണ് പുഷ്പക് ഖാർബിയിലെ വീട് വാടകയ്ക്ക് എടുത്തത്. വാടക കരാർ ജനുവരിയില്‍ കാലാവധി കഴിഞ്ഞിരുന്നു. എന്നാല്‍ മാസങ്ങളായി യുവാവ് വാടക നല്‍കാതെ വീട്ടില്‍ തുടരുകയായിരുന്നു.