മുംബൈ:പിറന്നാള്‍ ആഘോഷിക്കാനും ബൈക്ക് വാങ്ങാനും പണം കണ്ടെത്താൻ സ്വർണമാലയ്ക്കായി സുഹൃത്തിനെ കൊലപ്പെടുത്തി രണ്ട് കൗമാരക്കാർ.
അന്വേഷണത്തിനിടെ പ്രജ്യോതിന്റെ ഒരു സുഹൃത്തിനെ പൊലീസ് ചോദ്യം ചെയ്തു. തിരിച്ചറിയാത്ത ഒരു ആണ്‍കുട്ടിക്കൊപ്പം ബൈക്കില്‍ ഘോഡ്ബന്ദർ ഭാഗത്തേക്ക് പോയെന്നായിരുന്നു ഇയാളുടെ മൊഴി. എന്നാല്‍, യാത്രാമാർഗത്തിലെ 80 മുതല്‍ 90 വരെ സിസിടിവി ക്യാമറകളിലെ ദൃശ്യങ്ങള്‍ പരിശോധിച്ച പൊലീസ് മൊഴി തെറ്റാണെന്ന് കണ്ടെത്തി.
തുടർന്ന് മൊബൈല്‍ ലൊക്കേഷൻ വിവരങ്ങളും മറ്റ് സാങ്കേതിക തെളിവുകളും അടിസ്ഥാനമാക്കി വീണ്ടും ചോദ്യം ചെയ്തതോടെയാണ് കൊലപാതകത്തിന്റെ ചുരുളഴിഞ്ഞത്.പ്രജ്യോത് ധരിച്ചിരുന്ന സ്വർണമാല കൈക്കലാക്കാനാണ് സുഹൃത്തുക്കള്‍ പദ്ധതിയിട്ടതെന്ന് പൊലീസ് പറഞ്ഞു. ഒരാള്‍ക്ക് പിറന്നാള്‍ ആഘോഷിക്കാനായിരുന്നു പണം വേണ്ടിയിരുന്നത്. മറ്റൊരാള്‍ക്ക് ബൈക്ക് വാങ്ങാനും.
സെപ്റ്റംബർ 24ന് പുകവലിക്കാനെന്ന വ്യാജേന ഇരുവരും പ്രജ്യോതിനെ താനെയിലെ ബ്രഹ്മണ്ട് ഫേസ് 2ന് സമീപമുള്ള കുറ്റിക്കാടുകള്‍ നിറഞ്ഞ ആളൊഴിഞ്ഞ സ്ഥലത്തേക്ക് കൊണ്ടുപോയി. അവിടെവെച്ച്‌ കത്തികൊണ്ട് കുത്തുകയും കല്ലുകൊണ്ട് തലയ്ക്കടിക്കുകയും ചെയ്ത് കൊലപ്പെടുത്തിയെന്നാണ് പൊലീസ് നിഗമനം.തെളിവ് നശിപ്പിക്കാനായി മൃതദേഹത്തില്‍ പെട്രോള്‍ ഒഴിച്ച്‌ തീകൊളുത്തിയെന്നും അന്വേഷണത്തില്‍ കണ്ടെത്തി. പ്രജ്യോതിന്റെ മൊബൈല്‍ ഫോണ്‍ ബസിനുള്ളിലേക്ക് എറിഞ്ഞതായും പൊലീസ് പറഞ്ഞു.
ദൃശ്യം സിനിമയിലേതിന് സമാനമായി പൊലീസിനെ വഴിതെറ്റിക്കാനായിരുന്നു ശ്രമമെന്നാണ് അന്വേഷണ ഉദ്യോഗസ്ഥരുടെ കണ്ടെത്തല്‍.എന്നാല്‍ സിസിടിവി ദൃശ്യങ്ങളും സാങ്കേതിക തെളിവുകളും പരിശോധിച്ചതോടെ പ്രതികളുടെ പദ്ധതി പൊളിയുകയായിരുന്നു. ഇരുവരും കുറ്റം സമ്മതിച്ചതായി പൊലീസ് അറിയിച്ചു. സംഭവത്തില്‍ കൂടുതല്‍ അന്വേഷണം തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.